A chhûng thu-ah lût rawh

Secondary menu-ah lût rawh

Jehova Thuhretute

Mizo

Mitthite Hi An Nung Leh Thei Tak Tak Ang Em?

Mitthite Hi An Nung Leh Thei Tak Tak Ang Em?

Mitthite chu . . .

  • an nung leh ang i ti em?

  • an nung leh lo vang i ti em?

  • an nung leh mai thei i ti em?

 BIBLE SAWI DAN CHUAN

“Thawhlehna a awm ang.”Tirhkohte 24:15, O.V. Reference.

I ṬANGKAIPUI THEIH DAN

Hmangaih takte an thih hunah thlamuan i ni thei.2 Korinth 1:3, 4.

Thihna pâwngpaw hlauhna ata i zalên thei.Hebrai 2:15.

Hmangaih thi tate nêna intawn leh beiseina dik tak i nei thei.Johana 5:28, 29.

 BIBLE SAWI CHU KAN RING THEI EM?

Thei e, a lo berah pawh chhan pathum avângin:

  • Pathian chu nunna Siamtu a ni. Bible chuan Pathian Jehova chu “nunna tuikhur” neitu angin a sawi. (Sâm 36:9; Tirhkohte 17:24, 25) Thil siam zawng zawngte hnêna nunna petu chuan thi tawh tuemaw hnênah chuan nunna a pe kîr leh thei tih a chiang hle.

  • Pathianin hun kal tawhah mitthite a kaitho tawh. Bible-ah chuan he leia kaihthawh a pui a pang, a hmei a pa mi pariat chungchâng kan hmu a. Ṭhenkhat chu rei lo tê an thih hnua kaihthawh an nih laiin, pakhat erawh thlâna ni li lai zalh tawh a ni thung!Johana 11:39-44.

  • Pathianin kaihthawh leh a châk. Jehova chuan thihna hi a hua a, hmêlma angin a thlîr a ni. (1 Korinth 15:26) Thihna chu thawhlehna hmanga nuaibovin, chu hmêlma hneh chu a “châk ngawih ngawih” a. A hriat rengnaa awmte chu kaihthawh a, he leia nuntîr leh chu a châk hle a ni.Joba 14:14, 15, New World Translation.

 NGAIHTUAH TUR

Engvângin nge kan tar a, kan thih?

Hêng Bible chângte hian a chhâng a ni: GENESIS 3:17-19 leh ROM 5:12.