A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Tute Nge Tûn Laia Jehova Duhzâwng Titute Chu?

 ZIRLAI 12

Engtin Nge Kan Lalram Thu Hril Rawngbâwlna Chu Huaihawt A Nih?

Engtin Nge Kan Lalram Thu Hril Rawngbâwlna Chu Huaihawt A Nih?

Spain

Belarus

Hong Kong

Peru

Isua chuan a thih hma lawk khân: “He ram chanchin ṭha hi hnam zawng zawng hriattîrna tûrin khawvêl zawng zawngah hrilhin a awm ang; chu mi zawhah chuan tâwpna chu a lo thleng ang,” tiin a sawi a. (Matthaia 24:14) Mahse, engtin nge he khawvêl pum huap thu hrilhna chu hlen chhuah a nih dâwn? He leia a awm laia Isua tih dân zuina hmangin hlen chhuah a ni dâwn a ni.—Luka 8:1.

Mite chu an ina hmuh tumin. Isua chuan a hnungzuitute chu in tina chanchin ṭha hril tûrin a zirtîr a. (Matthaia 10:11-13; Tirhkohte 5:42; 20:20) Chûng kum zabi khatnaa thu hriltute chuan thu hrilhna tûr hmun bîk an nei ṭheuh a ni. (Matthaia 10:5, 6; 2 Korinth 10:13) Chutiang bawkin, tûn laiah pawh kan thu hrilh rawngbâwlna chu ṭha taka huaihawt a ni a, kohhran tin tân thu hrilhna tûr bial pêk thlap a ni. Chu chuan ‘mi tin hnêna tlângaupui leh hriattîr tûra’ Isua thupêk hlen chhuak tûrin min ṭanpui a ni.—Tirhkohte 10:42.

Mite chu an awmna apiangah hmuh tumin. Isua pawh khân mite chu dîl kam emaw, vântlâng tuichhunchhuah emaw ang chi mipui awmna hmunahte thu hrilin entawn tûr a siam a. (Marka 4:1; Johana 4:5-15) Keini pawhin kan theihna apiangah—kawtthlêrah te, hnathawhna hmunah te, park-ah te, a nih loh leh telephone aṭangtein—Bible thu mite kan sawipui a ni. Tin, hun remchâng kan neih apiangin kan ṭhenawmte, kan hnathawhpuite, school kalpuite, leh kan chhûngte hnênah pawh thu kan hril ṭhîn bawk. Chutianga kan zavaia kan thawhrim ṭheuh avângin, khawvêl puma mi maktaduai tam takin “chhandamna thu” chu an hriat theih phah a ni.—Sâm 96:2.

Pathian Ram chanchin ṭha i hrilh theihna tûr tuemaw hriat i neiin, chu chanchin ṭhain an nakin hun a nghawng theih dân tûr chu i ngaihtuah thei em? He beiseina chanchin hi mahnia neih tum mai suh. I theih veleh an hnêna hrilh chu tum zâwk ang che.

  • Eng “chanchin ṭha” nge kan puan chhuah ngai?

  • Engtin nge Jehova Thuhretute’n Isua thu hrilh dân phung chu an entawn?