A chhûng thu-ah lût rawh

A chhûnga thuawmte-ah lût rawh

Jehova Thuhretute

Select language Mizo

 ZIRLAI 7

Kan Inkhâwm Chu Eng Ang Nge A Nih?

Kan Inkhâwm Chu Eng Ang Nge A Nih?

New Zealand

Japan

Uganda

Lithuania

Kristian hmasate inkhâwmnaah chuan hla sak te, ṭawngṭai te, leh Pathian Lehkha Thu chhiar leh sawikhâwm te a tel deuh ber a. (1 Korinth 14:26) Kan inkhâwmnaah pawh chutiang bawk chu i beisei thei a ni.

Zirtîrna kan dawn chuan Bible a ṭanchhan a, a ṭangkai bawk. Chawlhkâr tâwpah chuan, kohhran tinte chu Pathian Lehkha Thuin kan nun leh kan chênna hun inkûngkaih dân chungchânga minute 30 awh Bible ṭanchhan thusawi ngaithla tûrin an inhmukhâwm ṭhîn a. Chutah chuan mahni Bible lo keu ve ṭheuh tûra fuih kan ni. Thusawi zawhah chuan, dârkâr khat awh “Vênnainsâng” Zirna a awm leh a, chutah chuan inkhâwm zawng zawngte chu Vênnainsâng-a thuziak sawihonaa tel vek tûra sâwm an ni. He sawihona hian Bible kaihhruainate nunpui tûrin min ṭanpui a. Khawvêl puma kohhran 1,10,000 aia tama awmte chuan thu inang vek an zir a ni.

Zirtîr thiamna lama hma sâwn tûrin min ṭanpui. Chawlhkâr chhûnga tlai khatah chuan Kan Kristian Nun leh Rawngbâwlna tih hminga ṭhen thum nei inkhâwm kan nei bawk a, chu chuan thla tin chhuak Nun leh Rawngbâwlna Inzirna Lehkhabu a ṭanchhan a ni. Inkhâwm hmasa ber, Pathian Thu Aṭanga Ro Hlute, tih chuan kohhranin a hmaa an lo chhiar lâwk Bible chângte hre bel tûrin min ṭanpui a. A dawta neih, Thlawhhma Rawngbâwlnaah Inhmang Rawh, tihah chuan Bible thu mi dangte sawipui theih dân lemchante a tel a ni. Zilhna petu chuan lehkha chhiar leh thusawi lama thiamna tihmasâwn tûra min ṭanpui thei a hmuh dânte a sawi a ni. (1 Timothea 4:13) A hnuhnûng ber, Kristiante Angin Nung Rawh, tih chuan nî tin nuna Bible thu bulte nunpui theih dân tûr a târ lang a. Hetah hian Bible kan hriatna tithûk lehzualtu zawhna leh chhânna hmanga sawihona a tel a ni.

Kan inkhâwmnaa i lo tel chuan, Bible zirtîrna i dawn ṭha tak takte chuan i rilru a khawih ngei ang tih rinhlelh rual a ni lo.—Isaia 54:13.

  • Jehova Thuhretute inkhâwmnaah eng thute nge hriat i inbeisei theih?

  • Chawlhkâr tin inkhâwm kan neihte zîngah hian a eng berah nge tel i châk?