A chhûng thu-ah lût rawh

Secondary menu-ah lût rawh

Jehova Thuhretute

Mizo

Engtin Nge Chhûngkaw Nun Hlim Kan Neih Theih Ang?

Engtin Nge Chhûngkaw Nun Hlim Kan Neih Theih Ang?

Neih theih dân chu . . .

  • hmangaihna niin i hria em?

  • sum leh pai niin i hria em?

  • thil dang engemaw niin i hria em?

 BIBLE SAWI DAN CHUAN

“Pathian thu hriaa zâwmte hi mi hamṭha [a nih loh leh, mi hlim tak] an ni.” —Luka 11:28, O.V. Reference.

I ṬANGKAIPUI THEIH DAN

Hmangaihna dik tak i hmu thei.—Ephesi 5:28, 29.

Zahna dik tak i dawng thei. —Ephesi 5:33.

In inring tawn thei.—Marka 10:6-9.

 BIBLE SAWI CHU KAN RING THEI EM?

Thei e, a lo berah pawh chhan pahnih avângin:

  • Chhûngkaw nun Dintu chu Pathian a ni. Bible chuan Pathian Jehova chu “chhûngkaw tinrêng hming chawi chhana” tiin a ko va. (Ephesi 3:14-19) Thu danga sawi chuan, chhûngkua hi Jehova’n a siam avânga lo awm a ni. Chu chu engvângin nge a pawimawh?

    Hei hi ngaihtuah rawh: Chawhmeh tui tak i ei a, a siam dân hriat i duh chuan tunge i zawh ang? A siamtu hnênah i zâwt ngei ang.

    Chutiang bawkin, chhûngkaw nun hlim siam dân hre tûr chuan, chhûngkaw Dintu Pathian Jehova lam kan hawi a ngai a ni.—Genesis 2:18-24.

  • Pathianin a ngaihsak che. Chhûngkuate tân a Thu aṭanga min pêk Jehova thurâwnte zawn chu a finthlâk a ni. Engvângin nge? “Anin a ngaihsak ṭhin che u avângin.” (1 Petera 5:6, 7) Jehova chuan i ṭhatna tûr a duh a—a thurâwn chu engtik lai pawhin a sâwt a ni!—Thufingte 3:5, 6; Isaia 48:17, 18.

 NGAIHTUAH TUR

Engtin nge nupui pasal ṭha leh nu leh pa ṭha tak i nih theih ang?

Hêng Bible chângte hian a chhâng a ni: EPHESI 5:1, 2 leh KOLOSSA 3:18-21.