MI 50,000 deuhthaw Babulon atanga Jerusalem zin kawng thui takah chuan an kal a. Mahse an thlen chuan, Jerusalem chu khawram lian pui ringawt a ni. Tumah cheng an awm lo. Israel-mite chuan engkim an din that leh vek a ngai a.

An sak hmasak ber zinga pakhat chu maicham a ni. Chu chu Jehova hnena thilpek emaw ran hlanna emaw an siamna hmun chu a ni. Thla tlemte hnuah Israel-mite chuan biak in an sa tan a. Mahse a kiang hnai rama cheng hmelmate chuan Israel-mite chu sa leh turin an duh lo va. Chuvangin tawptir turin an tihthaih a. A tawpah, chung hmelmate chuan Persia lalber thar chu in sak tawptir turin dan an siamtir a.

Kumte an ral a. Tunah chuan Babulon atanga Israel-mite lo kir achin kum 17 a ni tawh a. In sa tan leh tura a mipuite hrilh turin Jehovan a zawlnei Haggaia leh Zekaria a tir a. Mipuite chuan Pathian tanpuina an ring a, zawlneite thu chu an awih

a. Dan chuan sa tur an ni lo a ti chungin an sa tan leh a. Tichuan sorkar hnathawk Persia-mi a hming Tattenaia a lo kal a, Israel-mite chu biak in sak theihna enge an neih a zawt

a. Israel-mite chuan Babulon-a an awm laiin, Lalber Kuran: ‘Tunah Jerusalemah kal ula, in Pathian Jehova biak in han sa rawh u,‘ tiin anmahni a hrilh tih an hrilh a. Tattenaia chuan Babulon-ah lehkha a thawn a, chu tih laia thi tawh Kura chuan a sawi tak tak em tih a zawt a. Persia lalber thar hnen atangin lehkhathawn a lo thleng thuai a. Kuran a sawi tak tak tih a hrilh a. Tin lalber chuan: ‘Israel-mite chuan an Pathian biak in sa rawh se. Tin anmahni tanpui turin thu ka pe a che,‘ tiin a ziak bawk a. Kum li velah biak in chu sak zawh a ni a, Israel-mite chu an hlim em em a.

Kum tam tak a ral leh a. Tunah chuan biak in sak zawh achin kum 48 a ni thelh tawh. Jerusalem-a mipui an rethei a, khawpui leh Pathian biak in chu an lang mawi vak lo va.

Babulon-ah, Israel-mi Ezra chuan Pathian biak in chei that a ngaihzia chungchang a hria a. Tichuan enge a tih i hria em?

Ezra chu Persia lai Artazerzia hmu turin a ka! a. Tin chu lai tha chuan Jerusalem-a hawpui tur thilpek tam tak Ezra a pe a. Ezra chuan Babulon-a Israel-mite chu Jerusalem-a chung thilpekte kenpui turin a ngen a. Mi 6,000 velin ka! an tum a. Ken tur tangkarua leh rangkachak leh thil hlu dang an ngah em em a.

Kawngah mi tha lote an awm avangin Ezran a lungkham a. Chung mite chuan an tangkarua leh rangkachak te chu lak sakin anmahni an tihlum thei a. Chuvangin Ezra chuan, milema i hmuh ang hian, mipui a ko khawm a. Jerusalem-a haw kawng thui taka anmahni humhim turin Jehova hnenah an tawngtai a ni.

Jehovan anmahni a humhim a. Tin thla li an zin hnuah, him takin Jerusalem an thleng a. Hei hian tanpui tura amah ringtute chu Jehovan a humhim thei tih a tilang lawm ni?

Ezra bung 2 aṭanga 8.