A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Ka Bible Thawnthu Lehkhabu

 THAWNTHU 64

Solomona’n Biak In A Sa

Solomona’n Biak In A Sa

DAVIDA thih hmain, Jehova biak in sak dan tur riruang Pathian hnena mi chu Solomona a pe a. A lal kum linaah, Solomonan biak in a sa tan a, kum sarih leh a chanveah a zo va. Mi sing tam takin biak inah an thawk a, insak man chu tangka tam deuh a rai a. Chu chu rangkachak leh tangkarua an hman tam em vang a ni.

Biak in chuan pindan pui pahnih a nei a, biakbuk neih ang bawk khan. Mahse chung pindante chu biakbuka mi leh hnih an ni. Solomonan thuthlung bawm chu biak in pindan chhung zawkah chuan a dah a, biakbuka vawn thil dang chu pin dan dangah a dah a.

Biak in sak zawh a nihin chawimawina ropui tak a awm a. Biak in hmaah Solomona a thingthi a, milema i hmuh ang hian a tawngtai a: ‘Van zawng zawng pawh i lenna khawpin a zau tawh lo va, he biak inah hian i va leng lo zual dawn em! Mahse aw ka Pathian, he hmun lama i mite an tawngtai chuan khawngaih takin ngaithla ang che,’ tiin.

Solomona tawngtai zawhin, van atangin mei a lo chhuk a. lnthawina ran siam zawh sa chu a kang ral ta a. Tin Jehova hnena mi eng eng deuhvin biak in a khat a. Chu chuan Jehovan a ngaithla tih leh, biak in leh Solomona tawngtaina a lawm tih a tilang a. Biakbuk chu ni tawh lovin, biak in zawk chu tunah chuan Pathian be tura mipui lo kal khawmna hmun chu a ni ta.

Rei tak chhung chu Solomonan fing takin ro a rel a, mipui pawh an hlim a. Mahse Solomona chuan Jehova be lo, ram danga mi hmeichhe tam tak nupuiah a nei a. An zinga pakhat milem hmaa pathian be lai i hmu thei em? A tawpah Solomona chu a nupuiten pathian dang an biaktir ta a. Solomonan chutia a tih chinah enge lo ni ta i hria em? Mipui chungah ngil a nei ta lo va. A tawrawt a, mipui pawh an hlim tawh lo.

Chu chuan Solomona chungah Jehova a tithinrim a, ‘I hnen atangin ram ka la bo ang a, mi dang hnenah ka pe ang. Chu chu i dam chhungin ka ti lo vang a, mahse i fapa lal chhungin ka ti ang. Mahse i fapa hnen atangin lalrama mipui zawng zawng ka la lo lo vang,’ a ti a. Chu mi thlen dan chu i en ang u.

1 Chronicles 28:9-21; 29:1-9; 1 Lalte 5:1-18; 2 Chronicles 6:12-42; 7:1-5; 1 Lalte 11:9-13.