A chhûng thu-ah lût rawh

A chhûnga thuawmte-ah lût rawh

Jehova Thuhretute

Select language Mizo

 THAWNTHU 66

Jezebeli-Lalnu Suaksual

Jezebeli-Lalnu Suaksual

LAL Jeroboama thih hnuah, Israel hnam 10 ram awptu lal chu an tha lo theuh va. Lal Ahaba chu lal azawnga tha lo ber a ni. Engvanginnge i hria em? A chhan lian tak pakhat chu, a nupui Lalnu suaksual Jezebeli a ni.

Jezebeli chu Israel hmeichhia a ni lo. Sidon lal fanu a ni a. Pathian dik lo Baala a bia a, Ahaba leh Israel-mite tam tak Baala a biaktir ve a. Jezebelin Jehova a hua a, a zawlnei tam tak a tihlum a. A dang chu tihhlum an nih loh nan pukahte an biru a. Jezebelin thil engemaw a duh chuan, a neih theih nan mi pawh a tihlum ang.

Ni khat chu Lal Ahaba a lungngai em em a. Chuvangin Jezebelin: ‘Engvanginnge vawiin hian i lungngaih?’ tiin a zawt a.

‘Ka hnena Nabotha thusawi vangin. A grep huan lei ka duh a. Mahse ka nei thei lovang tih min hrilh a,’ tiin Ahaban a chhang a.

‘Lungkham suh, Ka neih sak ang che,’ Jezebelin a ti a.

Tichuan Jezebelin chu Nabotha chenna khawpuia mite lai thenkhat hnenah lehkha a thawn a. Nabothan Pathian leh lalber anchhia a lawh tia sawi turin mi tlaktlai lo thenkhat siam ula. Tin Nabotha chu khawpui pawnah kalpui ula, lungin deng hlum rawh u,’ tiin a hrilh a.

Jezebelin Nabotha a thi tawh tih a hriat veleh, Ahaba hnenah: ‘Tunah kal la a grep huan chu va nei rawh,’ a ti a. Chutiang thil rapthlak chu a tih avangin Jezebeli chu hrem tur a ni tih i remti lawm ni?

Chutichuan a hunah, amah hrem turin Jehovan mipa Jehua chu a tir a. Jehua a lo kal tih Jezebelin a hriatin, a mit a hnawih a, lang mawi turin a inchei a. Mahse Jehua a lo kal a, tukverha Jezebeli a hmuhin lal ina mite a ko va: ‘Paih thla rawh u!’ a ti a. Mite chuan a thu an awih a, milema i hmuh ang hian. An paih thla a, a thi ta a. Chu chu Lalnu suaksual Jezebeli tawpna chu a ni.

1 Lalte 16:29-33; 18:1-4; 21:1-16; 2 Lalte 9:30-37.