A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Ka Bible Thawnthu Lehkhabu

 THAWNTHU 57

Pathianin Davida A Thlang

Pathianin Davida A Thlang

ENGE lo ni ta i hre thei em? Naupang hian he beram hi savawm lak ata a chhanhim a ni. Savawm a lo kal a, beram no a pu a, a ei dawn a. Mahse naupang hian a um a, savawm ka ata beram no hi a chhandam a. Tin savawm a thawh chuan, naupang hian savawm chu a man a, a vaw hlum a. Hun dangah pawh sakeibaknei lak ata beram zinga pakhat a chhandam bawk a. Naupang huai a ni lawm ni? Tunge a nih i hria em?

Hei hi tlangval Davida a ni. Bethlehem khawpuiah a cheng a. A pu chu Ruthi leh Boaza fapa Obeda a ni. I la hre reng em? Tin Davida pa chu Jessaia a ni a. Davida chuan a pa beram a enkawl a. Davida chu Jehovan lalber ni tura Saula a thlan hnu kum 10-ah a piang a ni.

Jehovan Samuela hnenah: ‘Hriak pawimawh bik keng la, Bethlehem-a Jessaia inah kal rawh. Lalber ni turin a fapate zinga pakhat ka thlang tawh e,’ a tih hun a lo thleng a. Samuelan Jessaia fapa upa ber Eliaba a hmuh chuan, a rilruin: ‘Jehova thlan chu hei hi a ni ngei mai,’ a ti a. Mahse Jehovan: ‘Engtia sang leh hmeltha nge a nih en suh. Lalber ni turin ka thlang lo ve,’ tiin a hrilh a.

Chuvangin Jessaian a fapa Abinadaba a ko va, Samuela hnenah a rawn hruai a Mahse Samuelan: ‘Ni lo, Jehovan ani pawh a thlang lo,’ a ti a. A dawtah, Jessaian a fapa Sama a rawn hruai a. ‘Ni lo, Jehovan ani pawh a thlang bawk lo,’ Samuelan a ti a. Jessaian a fate zinga pasarih Samuela hnenah a rawn hruai a, mahse an zinga tumah Jehovan a thlang lo va. ‘Heng hi naupang zawng zawng em ni?’ tiin Samuelan a zawt a.

‘A naupang ber a la awm, mahse beram vengin a chhuak,’ Jessaian a ti a. Davida a rawn hruai luh chuan, naupang hmeltha tak a nih tih Samuelan a hmu thei a. ‘Hei hi a ni. A chungah hriak leih rawh,’ Jehovan a ti a. Samuelan a leih ta a. Davida chu Israel lal a nih hun a la thleng ang.

1 Samuela 17:34, 35; 16:1-13.