KUM a rai zel-kum 10, kum 20, kum 30, kum 39! Israel-mite chu thlalerah an la awm a. Mahse chung kum chhung zawng zawng chuan Jehovan a mipuite chu a enkawl a. Manna-in a chawm a. Chhunah chhum dingin, zanah mei alh dingin a hruai a. Tin chung kum zawng zawng chhung chuan an silhfen a tet lo va, an ke a pan bawk lo.

Tunah chuan Aiguta an chhuahsan achin kum 40-naa thla khatna a ni ta. Israelmite chu Kades-ah an riak leh a. Hei hi a hma kum 40 dawn laia Kanaan ram enthla tura enthlatu 12 tirh an nih laia an awmna hmun kha a ni. Mosia farnu Miriami chu Kades-ah chuan a thi ta a. Tin a hma ang bawkin, hetah hlan buaina a chhuak a.

Mipuiin tui an hmu zo lo va. Chuvangin Mosia hnenah an phunnawi a: ‘Lo thi ta ila a tha zawk tur. Engvanginnge Aigupta atangin he engmah to lohna hmun rapthlakah hlan min hruai? Buhte, theipuite, grepte, theibuhfaite a awm si lo. ln tur tui pawh a awm si lo,’ tiin.

Tawngtai tura biakbuka Mosia leh Arona an kal laiin, Jehovan Mosia a hrilh a: ‘Mipui ko khawm rawh. Tin an vaia hmaah sawta lungpui hnenah sawn sawi la. ‘Mipuite leh ran zawng zawng kham khawp tui a lo chhuak ang,’ tiin.

Tichuan Mosian mipuite chu a khawm a, ‘Ngaithla rawh u, nangni Pathlan rinchhan lote u! Arona leh kei hlan he lungpui atang hlan in tan tui kan tichhuak tur em ni?’ a ti a. Tin Mosian tiangin lungpui chu vawihnih a vua a, lungpui atang chuan tui lui chungah lian tak a luang chhuak a. Mipuite leh ran zawng zawng in khawp tui a awm ta a.

Mahse Mosia leh Arona chungah Jehova a thinur ta a. Engvanginnge i hria em? Mosia leh Arona chuan lungpui atangin tui an chhuahtir dawn an tih vang a ni. Mahse a taktakah chuan Jehova chhuahtir a ni. Chumi chungchanga thudik chu Mosia leh Aronan an sawi loh vangin, Jehovan anmahni a hrem dawn tih a sawi a. ‘Kanaan-ah ka mite in hruai lut lo vang,’ a ti a. Israel-mite chuan Kades an chhuahsan thuai a. Rei loteah

Hor Tlang an thleng a. Hetah hlan, tlang chhipah chuan Arona a thi a. A thih lai chuan kum 123 a ni. Israel-mite chu an lungngai em em a, tichuan mipui zawng zawngin Arona chu ni 30 an tah a. A fapa Eleazara chu Israel hnam puithlam lai a ni ta a.

Numbers 20:1-13, 22-29; Deuteronomy 29:5.