MITEN lei ata enge an chhar i sawi thei em? Dai khal ang a ni. A var a, tin a panin a phek a. Mahse dai khal a ni lo; ei tur engemaw a ni.

Israel-miten Aigupta an chhuahsan achin thla khat vel chauh a la ni a. Thlalerah an awm a. Chutah chuan chaw a thar tlem a, chuvangin mite chuan: ‘Aigupta-ah khan Jehovan min lo that se kan va ti em! A nep berah pawh chutah chuan kan chaw duh zawng zawng kan nei si a,’ tiin an phunnawi a.

Chuvangin Jehovan: ‘Van atangin chaw ka surtir dawn,’ a ti a. Chu chu Jehovan a ti ngei a. A tukah Israel-miten chu thil var tla chu an hmuhin,!Enge ni‘ tiin an inzawt a.

Mosian: ‘Hei hi ei tura Jehovan chaw a pek che u a nih hi,’ a ti a. Mipuite chuan MANNA an vuah a. Khawizua siam chhang pan angin a tui a.

Mosian: ‘Ei theih zah theuh in chhar tur a ni,’ tiin mipui a hrilh a. Tuk tinin chu chu an chhar a. Tichuan ni a satin, leia manna awm chu a tui rai thin a.

Mosia chuan: ‘Tumahin manna pakhat mah a tuk atan an khek tur a ni lo,’ a ti bawk a. Mahse mipui thenkhatin an ngaithla lo va. Enge lo ni i hria em? A tukah chuan an manna khek chu a Jung vek a, a uih ta a.

Amaherawhchu, Jehovan mipui hnenah a let hniha manna chhar tura a hrilh haptaa ni khat a awm a. Chu chu ni rukna a ni. Ni sarihnaah a tlaktir dawn loh vangin a tuk atan thenkhat khek turin Jehovan a hrilh a. Ni sarihna thlenga manna an khek pawhin a lung lo va, a uih bawk lo va. Chu chu thilmak dang a ni.

Thlalera Israelte awm chhung kum zawng zawng Jehovan manna-in a chawm a ni.

Exodus 16:1-36; Number 11:7-9; Josua 5:10-12.