EDEN huan pawnah chuan Adama leh Evin buaina tam tak an nei. Chaw an neih nan an thawkrim tur a ni. Thei kung mawi tak aiah, an velah hling leh buar to tam tak an hmu a. Adama leh Evin Pathian thu an awih lo va, A thian nih an ban laia an chunga thil thleng chu hei hi a ni.

Mahse chu aia chhe zawk, Adama leh Evin thih an tan ta. Thing engemawa mi thei rah an ei chuan an thi ang tih Pathianin a vaukhan kha hrereng la. An ei ni ngei chuan an thi tan ta a. Pathian thu an ngaithla lo chu an va a em!

Adama leh Evi fate chu Pathianin an nu leh pa Eden huan atanga a hnawhchhuah hnua piang vek an ni a. An fate pawh chu tarin an thi ve ang tihna a ni.

Adama leh Evi chuan Jehova thu awih se chuan, anmahni leh an fate tan an nun a hlim tur a ni a. Leilungah hian hlim takin chatuanin an cheng thei vek ang. Tumah tar leh dam lovin an thi lo vang.

Pathian chuan mite chu hlim taka chatuana nung turin a duh a, eng niah emaw a la ni ang tih a tiam. Leilung pum pui a mawi mai ni lovin, mi zawng zawng an hrisel ang a. Tin leilunga mi tin chu mi dang leh Pathian nen thian tha an ni ang.

Mahse Evi chu Pathian thian ani tawh lo va. Chuvangin a fate a hrin hunin, a tan a awlsam lo. Na a nei. Jehova thu awih lo nih chuan lungngaihna tam tak a thlentir, i awih em?

Adama leh Evi chuan fapate leh fanute tam tak an nei a. An fapa hmasa ber a lo pian chuan Kaina a vuah a. An fapa pahnihna chu Abela an vuah a. An chungah enge thleng i hria em?

Genesis 3:16-23; 4:1, 2; Thu Puan 21:3, 4.