A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Nun leh Rawngbâwlna Inzirna Lehkhabu  |  October 2016

 KRISTIANTE ANGIN NUNG RAWH

JW.ORG Contact Card Chu Ṭha Takin I Hmang Em?

JW.ORG Contact Card Chu Ṭha Takin I Hmang Em?

Hrehawm nasa tak a hnaih tawh êm avângin, kan thu hrilh hna hi a hmanhmawhthlâk hle a. (Thuf. 24:11, 12, 20) Mite kan ṭanpui hunah Pathian Thu leh kan website ngaihven tûrin contact card-te chu kan hmang thei a ni. Chu card-ah chuan Engvângin Nge Bible I Zir Ang? tih video entîr thei code pakhat leh, hriat belh nân emaw, Bible zirpui tûra dîl tûrin emaw sâwmna a awm bawk. Mi ṭhenkhat chuan kan thu leh hla chhuahte chu la duh lo mah se, kan website chu tlawh nuam an ti a ni. Contact card pêk chu hreh suh. Mahse, ngaihven lotute hnênah contact card-te chu pe suh ang che.

Nî tina hna thawhnaa i kal hunah, tuemaw hnênah: “Thil pakhat pêk che ka duh a. He card hian thu leh hlate leh, video chi hrang hrang a thlâwna en thei tûrin website pakhat a kawhhmuh ang che,” tia sawiin a ngaihvenna i chawk tho thei a ni. (Joh. 4:7) Contact card-te hi te tak tê a ni a, chuvângin a rem chân apianga mi dangte pe thei tûrin tlêm azâwng pai reng ang che.