A chhûng thu-ah lût rawh

A chhûnga thuawmte-ah lût rawh

Jehova Thuhretute

Select language Mizo

 KRISTIANTE ANGIN NUNG RAWH

Rawngbâwlnaah Thiamna Tihmasâwn Rawh​—⁠Tlawhkîrna Neiin

Rawngbâwlnaah Thiamna Tihmasâwn Rawh​—⁠Tlawhkîrna Neiin

A PAWIMAWH CHHAN: Lalram thuchah ngaihventu mi tam takte chu Pathian chungchânga thutak zawng an ni a. (Is. 55:6) Zawi zawia zirtîr chho tûr chuan, kan tlawhkîr fo a ngai a ni. Mite chuan harsatna chi hrang hrang an tâwk a, chuvângin an tuina kan chawhthawhsak dân pawh a inang lo vang. Mahse, ṭha taka inbuatsaih a, kan tlawhkîr apiangin Bible zirna neih ṭan kan tum chuan kan hlawhtling lehzual ang.

A TIH DAN TUR:

  • Tlawhkîr vat tum rawh, chu chu ni hnih khat vêl a liam hnuah pawh a ni thei.—Mt. 13:19

  • Nêlawm tak leh zahawm tak ni la. Tak rênrûn suh

  • Phûr takin chibai ṭan rawh. A hmingin ko la. I tlawhkîr chhan hriatnawntîr rawh—i tlawhkîr chhan chu zawhna pakhat chhânsak tûr te, magazine thar ber pe tûr te, kan website kawhhmuh tûr te, video pakhat chhuahsak tûr te, a nih loh leh Bible zir dân hmuhtîr tûrte pawh a ni thei. Thu dang a ngaihven thu a sawi chhuah chuan i thusawi tûr chu siamrem rawh.—Phil. 2:4

  • Thinlunga tuh thutak chi chu Pathian Lehkha Thu chhûtpuina hmang leh thu leh hla chhuahte pêkna hmangin tuiin châwm rawh. (1 Kor. 3:6) Amah nêna inzawmna ṭha neih tum rawh

  • Vawi khat dang tlawhkîr leh thei tûrin ruahmanna siam ang che