A chhûng thu-ah lût rawh

A chhûnga thuawmte-ah lût rawh

Jehova Thuhretute

Select language Mizo

 KRISTIANTE ANGIN NUNG RAWH

Chanchin Ṭha Hrilhnaah Hlimna Nei Rawh

Chanchin Ṭha Hrilhnaah Hlimna Nei Rawh

Thu hrilh harsa i ti ngai em? Kan zînga tam tak chuan harsa an ti ngai a ni. Engvângin nge? Kan bialah ngaihsak lohna leh dodâlnate kan tawh ṭhîn vâng emaw, hmêlhriat lohte biak kan hlauh vâng emaw a ni thei. Hêng thilte hian kan hlimna a la bo thei ngei mai. Mahse, hlim taka a rawngbâwl tûra min duhtu Pathian hlim kan bia a ni. (Sâm 100:2; 1 Tim. 1:11, NW) Thu hrilhnaa kan hlim chhan tûr ṭha tak pathumte chu eng nge ni?

Pakhatnaah, beiseina thuchah kan puang a. Tûn laiah beiseina a bo tual tual chung pawhin, mite thinlung chu “thil ṭha chanchin ṭha” nên kan tikhat thei a ni. (Is. 52:7) Chu bâkah, Pathian Ram chanchin ṭha chuan keimahni ngei pawh hlimna min neihtîr thei bawk. Thu hril tûra i kal chhuah hmain, Pathian Ramin leia a rawn thlen tûr malsâwmnate chu chhût ngun ang che.

Pahnihnaah, mite’n kan chanchin ṭha hrilh chu tisa lam leh thlarau lamah an hlâwkpui a. An thil sual tihte sim an zir a, chatuan nun beiseina an rawn nei a ni. (Is. 48:17, 18; Rom 1:16) Nun chhan chhuahna hnathawk angin kan inmitthla thei a. Mi ṭhenkhat chuan chhan chhuah an duh lo va; mahse, a duhte chu kan zawng zêl a ni.—Mt. 10:11-14.

Pathumna leh a pawimawh berah chuan kan thu hrilhnain Jehova a chawimawi hi a ni. Ani chuan kan thu hrilh rawngbâwlna chu a ngaihlu hle a. (Is. 43:10; Heb. 6:10) Chu bâkah, he hna thawk zo thei tûr hian a thlarau thianghlim chu phal takin min pe a ni. Chuvângin, Jehova hnênah thlarau thianghlim aṭanga lo awm hlimna chu dîl rawh. (Gal. 5:22) A ṭanpuina nên chuan kan lungkhamnate hnehin huaisen takin thu kan hril thei a. (Tirh. 4:31) Kan thu hrilhna biala mite’n engtiang pawhin min chhâng lêt se, kan thu hrilhnaah hlimna kan nei ngei ang.—Ezek. 3:3.

Rawngbâwlnaah eng ang rilru put hmang nge neih i duh? Engtin nge hlimna i lantîr theih?

INZIRNA LEH CHHUT NGUNNA HMANGIN HLIMNA NEI LET RAWH TIH VIDEO I EN HNUAH A HNUAIA ZAWHNATE HI CHHANG ANG CHE:

  • Thla tinin thu hrilhnaah dârkâr tam tak kan hmang chung pawhin, engvângin nge thlarau lam chaw eina chu kan ngaih pawimawh ang?

  • Eng kawngin nge Mari chu kan entawn ang?

  • Eng hunah nge Pathian Thu chhût ngunna i neih?

  • Chanchin ṭha i hrilh hian engin nge hlimna neihtîr che?