A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Nun leh Rawngbâwlna Inzirna Lehkhabu  |  January 2016

 KRISTIANTE ANGIN NUNG RAWH

Biakna Dik Hmunpuite Sak leh Vawn Ṭhat Theihna Kawnga Kan Chanvo Neih

Biakna Dik Hmunpuite Sak leh Vawn Ṭhat Theihna Kawnga Kan Chanvo Neih

Israelte biak in saknaah thawh tûr a tamin, insênso nasat a ngai a. Mahse, Israelte chuan ṭhahnemngai takin an thlâwp a ni. (1 Chro. 29:2-9; 2 Chro. 6:7, 8) Biak in sak zawh fel a nih hnua an enkawl dân chuan Israel mite thlarau lam dinhmun ṭhat leh ṭhat loh chu a hril a ni. (2 Lal. 22:3-6; 2 Chro. 28:24; 29:3) Tûn laiah pawh, Kristiante chuan Kingdom Hall leh Assembly Hall-te sak nân, tihthianghlim nân, leh thawm ṭhat nân an hun leh tha tam tak an sêng a. Mahse, he mi kawnga Jehova thawhpui theihna hi chanvo ropui tak a niin, rawngbâwlna thianghlim pêng pawimawh tak a ni bawk.—Sâm 127:1; Thup. 7:15.

KAN TEL VE THEIH DAN CHU . . .

  • Inkhâwm zawh apianga ṭha taka rem fel leh hi a ni. A remchân loh chuan, i ṭhutna bul vel chu ti fel ang che.

  • A hun taka Kingdom Hall tihthianghlimna leh thawm ṭhatnaa inhman hi a ni. Mi tam tak nêna hnathawh chu a hlimawmin, a hahthlâk lo a ni. —lv-E 92-93 ¶18.

  • Sum leh pai lama ṭanpuina pêk hi a ni. Thinlung taka “dâr tangka dere pahnih” chauh thawhna pawhin Jehova thinlung a tilâwm a ni.—Mk. 12:41-44.

  • I dinhmunin a zir chuan, biakna atâna kan hman inte sakna leh thawm ṭhatnaa tel hi a ni. Chu ta tel tûrin in sakna lama thiltawn neih a ngai lo.