Paula leh Sila chu tân ina an awm laiin Pathian fakin an zai a. (Tirh. 16:25) Tûn laiah pawh, German ram Sachsenhausen-a Nazi concentration camp-a an tân lai leh Siberia rama an thawn bo laiin kan unaute chuan Lalram hlate chu an sa a. Hêng entîrnate hian hrehawm tuar Kristiante chu hlain huaisenna a pêk theihzia a târ lang a ni.

Hla bu thar Jehova Chawimawiin ‘Hlim Takin Hla Sa Rawh U’ tih chu ṭawng hrang hranga neih a ni thuai ang a. A bua kan neih hunah, a hla thute rilrua kan vawn reng theih nân chhûngkuaa Pathian biakna neih hunah kan zir thei a ni. (Eph. 5:19) Hrehawm kan tawrh hunah pawh chûng chu hre chhuak leh tûrin thlarau thianghlimin min ṭanpui ang. Lalram hlate chuan kan beiseite thlîr reng tûrin min ṭanpui thei a. Harsatnate kan tawh hunah min tichak thei bawk. Thinlunga kan lâwm avânga kan hlim hunah, mi tichak thei tak a hla thute chuan ‘hlim taka hla sa’ tûrin min chêttîr a ni. (1 Chro. 15:16; Sâm 33:1-3) Kan Lalram hlate chu a ṭangkai thei ang berin i hmang ang u!

THAWKRIMTE TICHAKTU HLA TIH VIDEO CHU CHHUAH LA, TICHUAN A HNUAIA ZAWHNATE HI ZAWT ANG CHE:

  • Eng dinhmunin nge Unau Frost-a chu hla phuah tûra chettîr?

  • Engtin nge hlain Sachsenhausen concentration camp-a unaute chu a tihchak?

  • Lalram hlate chuan nî tina eng dinhmunahte nge a tihchak theih che?

  • Eng Lalram hlate nge hriat reng i duh?