Kal idhi e weche manie iye

Weche Manie Bug Fweny Tiendgi Gin Ang’o?

Weche Manie Bug Fweny Tiendgi Gin Ang’o?

Dwoko ma Muma Chiwo

E dho Grik bug Fweny iluongo ni A·po·kaʹly·psis kendo tiend nyingno en “Elo e lela” kata “Fwenyo gimoro.” Nyingno lero tiend bug Fweny, ma en​—elo e lela gik mopondo kendo fwenyo kaka gik moko biro timore e kinde mabiro. Thoth gik ma nokor e bugni pok otimore, kata kamano gichiegni timore.

Weche Machuok e wi Bug Fweny

Gik Manyalo Konyi Winjo Tiend Weche Manie Bug Fweny

  1. Tiend weche manie bugno beyo, ok gikel luoro ne joma tiyone Nyasaye. Kata obedo ni ji mang’eny wachoga ni bug Fweny oting’o mana masiche madongo, bugno chako kendo tieko gi weche ma wacho ni joma some, winjo tiend wechego, kendo tiyo kodgi e ngimagi, biro bedo mamor.​—Fweny 1:3; 22:7.

  2. Bug Fweny tiyo gi “ranyisi” mathoth ma tiendgi opondo.​—⁠Fweny 1:1.

  3. Ng’eny ranyisi motigo e bug Fweny, nosendik chon e buge mamoko manie Muma:

  4. Fwenygo otudore gi “ndalo mar Ruoth,” ma ne ochakore ka ne Pinyruodh Nyasaye nochako locho e higa mar 1914. Higano e ma Yesu ne ochako locho kaka Ruoth. (Fweny 1:​10) Omiyo, wanyalo bedo gadier ni weche ma nokor e bug Fweny biro timore e kindewagi.

  5. Mondo wawinj tiend weche manie bug Fweny, dwarore ni wabed gi gik ma konyowaga winjo tiend weche mondik e Muma duto, ma gin rieko moa kuom Nyasaye gi kony ma wuok kuom joma oseng’eyo tiend weche manie bugno.​—Tich Joote 8:​26-​39; Jakobo 1:5.