Ne Jo-Galatia 6:1-18

  • Ting’o ting’ mag jowetewa (1-10)

    • Gima ng’ato chuoyo e ma okayo (7, 8)

  • Nyangu ok en gimoro (11-16)

    • Chuech manyien (15)

  • Weche mogik (17, 18)

6  Owetena, kata ka po ni ng’ato ochomo yo moro ma ok kare to pok ofwenyo, un ma usechopo weche ma dwarore kaluwore gi roho maler, temuru rieyo ng’at ma kamano, kutimo kamano gi chuny mamuol.+ To utang’,+ di po ka un bende udonjo e tem.+  Dhiuru nyime ting’o ting’ mag joweteu,+ kendo ka utimo kamano ubiro chopo chik Kristo.+  Nimar ka ng’ato paro ni en gimoro to kare ok en gimoro,+ owuondo pache owuon.  To ng’ato ka ng’ato mondo onon timbene owuon,+ eka dobed gi gima dimi obed mamor, to ok kopimore gi ng’at machielo.+  Nimar ng’ato ka ng’ato noting’ ting’ne owuon.+  E wi mano, ng’ato ka ng’ato ma ipuonjo wach* bende onego ochiw gik mabeyo duto ne jal ma puonje wachno.*+  Kik wuondu: Nyasaye ok en ng’at minyalo timgo oyuma. Nikech gimoro amora ma ng’ato chuoyo, mano bende e ma noka;+  nimar ng’at ma chuoyo kuom ringruok, enoka kethruok kuom ringrene, to ng’at ma chuoyo kuom roho, enoka ngima ma nyaka chieng’ kuom roho.+  Omiyo, kik waol gi timo gik mabeyo, nimar wabiro keyo e kinde mowinjore ka ok waol.+ 10  Kuom mano, ka pod wan gi thuolo,* watimuru gik mabeyo ne ji duto, to moloyo, ne jo ma wan-go e yie. 11  Neuru kaka asendikonu awuon gi nyukta madongo. 12  Jogo duto ma dwaro mondo ginenre malong’o gi oko, e jo ma temo chunou ni oteru nyangu, to gitimo kamano mondo kik sandgi nikech yadh-sand* mar Kristo. 13  Bende, kata mana jo ma itero nyangu ok makre gi Chik gin giwegi,+ to gidwaro ni oteru nyangu mondo giyud gima ginyalo pakorego nikech ringreu. 14  To ok onego apakra ngang’, mak mana kuom yadh-sand* mar Ruodhwa Yesu Kristo,+ ma kokalo kuome, aneno ni osegur pinyni e yath, to piny neno ni osegura e yath. 15  Nimar nyangu ok en gimoro, kendo bedo ma ok oter ng’ato nyangu bende ok en gimoro,+ to bedo chuech manyien e gimoro.+ 16  To kuom jogo duto ma wuotho e yo modimbore kaluwore gi chik ma tayoni, kuwe kod ng’wono mondo obed kodgi, ee, kuom Israel mar Nyasaye.+ 17  Chakre sani ka dhi nyime, kik ng’ato ochanda kendo, nikech e ringrena an gi mbelni ma nyiso ni an misumba Yesu.+ 18  Owetena, ng’wono mogundho mar Ruodhwa Yesu Kristo mondo obed gi chuny munyisono. Amin.

Weche Moler Piny

Kata, “ipuonjo wach gi dhok.”
Kata, “puonje wachno gi dhok.”
Grik, “kinde mowinjore.”