Isaya 53:1-12
53 Ng’ano moseketo yie kuom gima walando?*+
Lwet Jehova+ osefwenyore ne ng’a?+
2 Obiro chako dongo kaka yath ma twi e osiki,*+ kendo ka yath ma twi e piny motwo.
Ok nobed gi del maber kendo ok noyud duong’;+Kendo ka wanene, onge gimoro kuome ma lombo wang’wa.
3 Ji ne ochaye kendo onge ng’at ma ne dware,+En jal ma ne owinjo rem kendo nong’eyo gima tuo en.
Ne chalo ka gima opandnwa wang’e.*
Ne ochaye, kendo ne wakwane ka ng’at ma nono.+
4 Adier, ne oting’o tuochewa,+Kendo, ne oting’onwa rem bende.+
To wan ne waparo ni Nyasaye e ma ne goye, e ma ne kelone masira, kendo e ma ne sande.
5 Ne ochuoye+ nikech richowa;+
Ne ogoye malit nikech kethowa.+Ne ochwade mondo wayud kuwe,+
Kendo adhondene nomiyo wachango.+
6 Waduto waselal mana ka rombe,+Waseke mi ng’ato ka ng’ato ochomo yore,Kendo Jehova oseketo richowa kuom jalo.+
7 Ne osande+ kendo ne oyie mondo ogoye,+To ne ok oyawo dhoge kata matin.
Ne otere e kar yeng’o mana ka rombo,+Ne oling’ thi mana ka rombo manie nyim ng’at ma liele,Kendo ne ok oyawo dhoge kata matin.+
8 Ne osande, mi ong’adne bura, kae to ogole oko;Be nitie ng’at ma ne onono wach tieng’ne?*
Ne onege mi ogole e piny jo mangima;+Nochwade nikech richo mar joga.+
9 Noyike kanyachiel gi joricho,+Kendo gi jomwandu,+To ne ok otimo richo moro amoraKendo ne onge wuondruok moro amora e dhoge.+
10 Ne en dwaro mar Jehova mondo ogoye kendo obed matuo.
Ka ichiwo ngimane mondo obed misango mar ketho,+Obiro neno kothe, kendo obiro dak aming’a,+Kendo kokalo kuome dwach Jehova biro timore.+
11 Nikech chunye ma chandore, obiro neno kendo winjo maber.
Kokalo kuom rieko mar ng’at makare, jatichna,+
Ibiro kwan ji mang’eny kaka jo makare,+Kendo obiro ting’o richogi.+
12 Nikech mano, abiro miye pok e kind ji mang’eny,Kendo abiro pogone gik moyak kaachiel gi jo ma roteke,Nimar nochiwore chuth nyaka e tho+Kendo ne okwane gi joricho;+Ne oting’o richo mag ji mang’eny,+Kendo nosayo ne joketho.+
Weche Moler Piny
^ Kata nyalo bedo, “kuom gik ma ne wawinjo?”
^ Nyalo bedo ni obiro twi e nyim dhano kata e nyim Nyasaye.
^ Kata nyalo bedo, “Ne ochaye ka ng’at ma ji pandone wengegi.”
^ Kata, “onono anyuola ma ne owuokie; onono kaka ngimane ne chalo?”