Isaya 45:1-25
45 Ma e gima Jehova wacho ne Kuros ng’ate mowal,+Ma asemako lwete ma korachwich+Mondo olo ogendni e nyime,+Oketh teko mag ruodhi,Oyaw dhoudi e nyime,Kendo rangeye ok nolor:
2 “Abiro dhi e nyimi,+Abiro payoni gode.
Anatur dhoudi molos gi mula,Kendo anang’ad sirni mag nyinyo.+
3 Abiro miyi mwandu mopand e mudhoAbiro miyi mwandu mopand kuonde mopondo,+Mondo ing’e ni an Jehova,Nyasach Israel moseluongi gi nyingi.+
4 Aseluongi gi nyingiNikech jatichna Jakobo, kod Israel jal ma aseyiero.
Amiyi nying ma nigi duong’, kata obedo ni ne ok ing’eya.
5 An Jehova, kendo onge machielo.
Onge Nyasaye machielo mak mana an.+
Anamiyi teko, kata obedo ni ne ok ing’eya,
6 Mondo ji ong’eKochakore yo wuok chieng’ nyaka yo podho chieng’Ni onge Nyasaye machielo mak mana an.+
An Jehova, kendo onge machielo.+
7 Achueyo ler+ gi mudho,+Akelo kuwe+ gi masira,+An Jehova, an e ma atimo gigo duto.
8 Un polo, weuru koth ochwe koa malo;+Weuru tim makare ochwe koa e boche polo.
Piny mondo oyawre kendo onyag warruok,Weuru tim makare bende odongi e kindego.+
An Jehova, an e ma achueyo mano.”
9 Yaye nobed malit ne jal ma piem gi Jachuechne,Nimar ochal gi aguluMoket e kind agulni mamoko e lowo!
Be lowo dipenj Jachue-Agulu ni, “Ichueyo ang’o?”+
Be gima isechueyo diwach ni, “Ionge lweteni?”*
10 Yaye, nobed malit ne ng’at ma wacho ni wuon-gi ni: “Ne inyuolo ang’o?”
Kendo ne min-gi ni: “Ne inyuolo ang’o?”
11 Ma e gima Jehova, Ng’at Maler mar Israel,+ kendo Jachuechne wacho:
“Be unyalo penja weche ma biro timore kinde mabiroKendo nyisa gik ma atimo ne yawuota+ kod gik ma atimo gi lweta?
12 Ne achueyo piny+ kod dhano.+
Ne ayaro polo gi lwetena awuon,+Kendo achiko ogandane duto.”+
13 Jehova Nyasach oganda lweny owacho ni, “Asechungo ng’at moro makare,+Abiro rieyo yorene duto.
En e ma obiro gerona dala+Obiro gonyo joga motue+ ma ok amiye asoya kata chule gimoro amora.”+
14 Ma e gima Jehova owacho:
“Ohala mar Misri* kod gik ohala* mag Ethiopia kod Jo-Sabea, ma gin jo ma roboche,Nobi iri kendo ginibed e bwo lochni.
Gibiro wuotho bang’i ka otwegi gi nyororo.
Ginibi kendo ginikulre e nyimi.+
Gibiro lemo ka giwacho niya, ‘Adier, Nyasaye ni kodi,+Kendo onge Nyasaye machielo; en kende e Nyasaye.’”
15 Adier, in Nyasaye ma yorene opondo,A Nyasach Israel, Jawar.+
16 Gibiro yudo wich-kuot mi gihum nono;Jo ma loso sanamu biro yudo wich-kuot maduong’.+
17 To Jehova biro reso Israel nyaka chieng’.+
Ok giniyud wich-kuot kendo.+
18 Ma e gima Jehova wacho,Nyasaye madier ma nochueyo polo,+Jal ma nochueyo piny mi oguro misene motegno,+Ne ok ochueye kayiem nono,* to nochueye mondo ji odagie:+
“An Jehova, kendo onge machielo.
19 Ne ok awuoyo ka mopondo,+ e piny motimo mudho;Ne ok awacho ne koth Jakobo ni,‘Umanya kayiem nono.’
An Jehova, awacho weche makare kendo ahulo gik matir.+
20 Chokreuru mondo ubi.
Suduru machiegni, un jo ma osetony e ogendni.+
Jo ma ting’o sanamu ok ong’eyo gimoro amoraGilamo nyasaye ma ok nyal resogi.+
21 Keluru wach ma un-go.
Weuru gipor wach kanyachiel.
Ng’ano ma nokoro wachni chon?Ng’ano ma nowacho wachni chon?
Donge ne en an Jehova?
Onge Nyasaye machielo mak mana an;Nyasaye makare kendo Jawar,+ onge machielo.+
22 Lokreuru ubi ira mondo aresu,+ un ji duto manie piny,An Nyasaye, kendo onge machielo.+
23 Asekuong’ora awuon;Wach moa e dhoga en wach makare,
Kendo wachno ok bi duogo nono:+
Ji duto biro goyo chongegi piny e nyima,Kendo lep duto biro kuong’orena+
24 Ka giwacho ni, ‘Kuom adier, Jehova e ma nigi teko, en gi adiera, kod tim makare.
Ji duto ma osin kode biro yudo wich-kuot.
25 Koth Israel biro bedo makare e nyim Jehova,+Kendo gibiro sungore nikech en.’”
