Fweny mar Johana 6:1-17

  • Nyarombo yawo kido auchiel mokwongo (1-17)

    • Jal ma dhi ka locho e faras ma rachar (1, 2)

    • Jal moidho faras ma kwar ka mach golo kuwe e piny (3, 4)

    • Jal moidho faras ma rateng’ kelo kech (5, 6)

    • Jal moidho faras ma kite obokore iluongo ni Tho (7, 8)

    • E bwo kendo mar misango nitie joma ne oneg (9-11)

    • Yiengni maduong’ mar piny (12-17)

6  Kendo ne aneno ka Nyarombo+ ogonyo achiel kuom kido abiriyogo,+ mi ne awinjo ka achiel kuom chuech mangima ang’wen-go+ wacho gi dwol ma chalo gi mor polo niya: “Bi!”  Eka ne arango, mi ne aneno faras ma rachar,+ to jal ma ne oidhe ne nigi atung’; kendo ne omiye osimbo,+ eka nowuok kolocho mondo otiek locho.+  Ka nogonyo kido mar ariyo, ne awinjo chuech mangima mar ariyo+ ka wacho niya: “Bi!”  Ne aneno faras machielo ka biro, kendo ne okwar ka mach, to jal ma ne oidhe ne omi teko mar golo kuwe oa e piny mondo ji onegre, kendo ne omiye ligangla moro maduong’.+  Ka nogonyo kido mar adek,+ ne awinjo chuech mangima mar adek+ ka wacho niya, “Bi!” Kendo ne arango mi ne aneno faras ma rateng’, to jal ma ne oidhe ne nigi ratil ariyo mag pimo e lwete.  Ne awinjo gimoro ma chal gi dwol mowuok e kind chuech mangima ang’wen-go ka wacho niya: “Ngano ma dirom kilo achiel* nengone en dinari* achiel,+ kendo kilo adek mag shairi nengone en dinari achiel; to kik iketh mor zeituni kata divai.”+  Ka nogonyo kido mar ang’wen, ne awinjo dwond chuech mangima mar ang’wen+ ka wacho niya: “Bi!”  Kendo ne arango mi ne aneno faras moro ma kite ne chal ka gima obokore, to nying jal ma ne oidhe ne en Tho. Kendo Liel* ne luwe machiegni. To ne omiye teko e wi bath piny ma romo achiel kuom ang’wen mondo onek kotiyo gi ligangla mabor, gi nok mar chiemo,+ gi tuo ma kelo tho, kod ondiegi mag piny.+  Ka nogonyo kido mar abich, ne aneno e bwo kendo mar misango+ chunje*+ jo ma ne oneg nikech wach Nyasaye kendo nikech neno ma ne gisechiwo.+ 10  Ne gikok gi dwol maduong’ ka giwacho niya: “Wuon Loch Duto, jal maler kendo madier,+ en nyaka karang’o ma pod ibiro rito ka ok ing’ad bura ne jo modak e piny kendo chulo kuor nikech rembwa?”+ 11  Eka moro ka moro kuomgi ne omi kandho ma rachar;+ kendo ne owachnegi ni girit matin mondi nyaka chop kwan mar wasumbni wetegi kod mar owetegi ma ji ne chiegni nego mana kaka gin bende ne oneggi, ochop mi pong’ chuth.+ 12  Kendo sa ma nogonyo kido mar auchiel, ne aneno yiengni maduong’ mar piny ka timore; eka wang’-chieng’ nobedo ma rateng’ kaka law gunia molos gi yier,* kendo dwe mangima nobedo kaka remo,+ 13  to sulwe mag polo ne olwar nyaka e piny, mana kaka sa ma yamo mager yiengo yadh ng’owo kendo lwaro olembege ma pok ochiek. 14  Eka polo nowuok ka ma entie mana kaka bug adola ma koro idolo,+ kendo gode duto gi chulni duto ne ogol mi gia kuonde ma ne gintie.+ 15  Eka ruodhi mag piny, kod jotelo ma nigi kombe madongo, gi jotend-jolweny madongo, kod jomwandu, gi jo ma roteke, gi wasumbni duto, kod ng’ato ka ng’ato man thuolo ne opondo e rogni kendo e lwendni mag gode.+ 16  To ne gisiko ka giwacho ne godego gi lwendni niya: “Podhuru kuomwa+ mondo upandwa kik wane lela wang’ Jal mobet e kom-lojno+ kendo kik wayud mirimb Nyarombo,+ 17  nikech chieng’ maduong’ mar mirimbgi osechopo,+ to en ng’a ma nyalo chomore gi chieng’no?”+

Weche Moler Piny

Kuat achiel. Som Apendiks B14.
Grik, “Hades.” Som Tiend Weche.
Nenore ni iwuoyo kuom rembgi ma nool e kendo mar misango. Som Tiend Weche.
Nenore ni ne gin yie diek.