Fweny mar Johana 19:1-21

  • Haleluyah nikech buche moseng’ad (1-10)

    • Kend mar Nyarombo (7-9)

  • Jal mobet e faras ma rachar (11-16)

  • Nyasi maduong’ mar chiemo modhiambo mar Nyasaye (17, 18)

  • Iloyo ondiek (19-21)

19  Bang’ wechego, ne awinjo gimoro ma chal kaka dwol maduong’ mar oganda moro mang’ongo e polo. Ne giwacho kama: “Pakuru Jah!*+ Warruok gi duong’ gi teko gin mag Nyasachwa,  nimar buchene mong’ado gin madier kendo makare.+ Nikech oseng’ado bura ne jachode maduong’no, dhako ma nonjawo piny gi terruokne,* kendo osechulo kuor nikech remb wasumbnine manie lwete.”+  Eka gikanyono ne giwacho kendo mar ariyo niya: “Pakuru Jah!*+ Kendo yiro moa kuome biro dum nyaka chieng’.”+  Eka jodongo piero ariyo gang’wenka+ kod chuech mangima ang’wenka+ nopodho piny mi gilamo Nyasaye mobet e kom-lojno, ka giwacho niya: “Amin! Pakuru Jah!”*+  Bende, dwol moro nowuok e kom-lojno ka wacho niya: “Pakuru Nyasachwa, un wasumbnine duto+ moluore, jo matindo gi jo madongo.”+  Eka ne awinjo gima chalo gi koko mar oganda mang’ongo, gi koko mar pige ma ringo matek, kod polo ma mor matek. Ne giwacho kama: “Pakuru Jah!*+ Nikech Jehova* Nyasachwa Manyalo Duto+ osechako locho kaka ruoth!+  Wabeduru mamor kendo moil, wamiyeuru duong’, nikech kend mar Nyarombo osechopo, kendo chiege oseikore.  Ee, oseyie ne chiegeno mondo orwakre gi law kitani maber, ma pichni, kendo maler—nimar law kitani maberno ochung’ ne timbe makare mag jo malergo.”+  Kendo nowachona niya, “Ndik kama: Jo mamor gin jo mogwel e chiemb odhiambo mar kend mar Nyarombo.”+ Bende, nowachona kama: “Magi gin weche madier mag Nyasaye.” 10  Eka ne apodho piny e tiende mondo alame. To ne okwera kama: “Ooyo ngang’! Kik itim kamano!+ An mana misumba wadu kendo mar oweteni ma nigi tich mar chiwo neno e wi Yesu.+ Lam Nyasaye!+ Nikech chiwo neno e wi Yesu e gima duong’ ma weche mokor ne chopo.”+ 11  Ne aneno polo koyawore, mi aneno faras ma rachar.+ To jal ma nobet kuome iluongo ni Jal Migeno+ kendo Madier,+ to ong’ado bura e yo makare, kendo ogoyo lweny makare.+ 12  Wengene gin ligek mach ma liel,+ kendo orwako osimbo mang’eny e wiye. En gi nying mondik ma onge ng’at mong’eyo mak mana en owuon, 13  kendo orwako nanga ma oko ma remo omienoree,* kendo iluonge ni Wach+ Nyasaye. 14  Bende, oganda lweny mag polo moidho farese ma rochere ne luwo bang’e, kendo ne girwakore gi lep kitani mabeyo, ma rochere, kendo maler. 15  To ligangla mabith kendo mabor ne wuok koa e dhoge,+ mondo ochadhgo ogendni, kendo obiro kwayogi gi luth mar chuma.+ E wi mano, onyono ka ma ibiyoe divai mar mirima mager mar Nyasaye Manyalo Duto.+ 16  E nangane ma oko, ee, e bamne en gi nying mondikie ni, Ruodh ruodhi kendo Jaloch manie wi joloch.+ 17  Ne aneno bende malaika moro mochung’ e wang’-chieng’, kendo ne okok gi dwol maduong’ kowacho ne winy duto ma huyo e kor polo niya: “Biuru, chokreuru kanyachiel ne nyasi maduong’ mar chiemo modhiambo mar Nyasaye,+ 18  mondo ucham ringre ruodhi, gi ringre jotend-jolweny madongo, gi ringre jo ma roteke,+ gi ringre farese gi jo moidhogi,+ kod ringre ji duto man thuolo kod wasumbni, kod ringre jo matindo gi jo madongo.” 19  Eka ne aneno ondiegcha gi ruodhi mag piny kod ogendni mag lweny maggi ka gichokore mondo giked gi jal mobet e farasno kod ogandane mar lweny.+ 20  Mi ne omak ondiegno kaachiel gi janabi mar miriambo+ ma ne timo ranyisi madongo e nyime kowuondogo jo ma ne oketnegi alama mar ondiegno+ kod jo ma lamo kido mare.+ To giduto ka pod gingima, ne owitgi e ataro mar ligek mach ma liel gi salfa.*+ 21  To jo modong’ duto ne oneg gi ligangla mabor ma ne wuok e dho jal mobet e farasno.+ Kendo winy duto ne ochamo ringre jogo, ma giyieng’.+

Weche Moler Piny

Kata, “Haleluyah!” “Yah” kata “Jah” en nying Jehova e yo machuok.
E dho Grik en porneia. Som Tiend Weche.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata, “Haleluyah!” “Yah” kata “Jah” en nying Jehova e yo machuok.
Kata nyalo bedo, “remo okiroree.”
Ma en kit poda moro ma mako mach mapiyo ahinya, kendo sa ma oliel ogolo tik mager kendo marach.