Eklesiastes 1:1-18

  • Gik moko duto gin kayiem nono (1-11)

    • Piny siko nyaka chieng’ (4)

    • Gik moko nwore (5-7)

    • Onge gima nyien e piny (9)

  • Rieko dhano orem (12-18)

    • Lawo yamo (14)

1  Weche mag jayalo+ ma wuod Daudi, kendo ma en ruoth ma odak Jerusalem.+   Jayalo wacho niya: “Tije duto gin kayiem nono! Tije duto gin kayiem! Ee, gik moko duto gin kayiem nono!”+   En ber* mane ma ng’ato yudoKuom tijene duto motimo e piny?+   Tieng’ achiel oa kendo tieng’ machielo biro,Piny to osiko nyaka chieng’.+   Chieng’ wuok, kendo chieng’ podho;To piyo piyo nono odok ka ma ne oaye, kendo ochako owuok.+   Yamo kutho kochomo yo milambo kendo olworo kochomo yo nyandwat;Olworore alwora kamano ma ok ochung’.   Aoche duto mol nyaka e nam, to nam ok pong’.+ Aochego chako dok ku ma ne giwuokie mondo gimol kendo.+   Gik moko duto miyo ji ol;Onge ng’at ma dilergi. Wang’ ok ol gi nenogi;It bende ok pong’ kuom winjogi.   Gima osebetie e ma pod biro betie,Kendo gimosetim e ma pod ibiro tim;Onge gima nyien e piny ka.+ 10  Be nitie gima ng’ato diwach ni, “Nee, ma en gima nyien”? Gino osebetie chakre chon;Ne entie ka ne pok onyuolwa. 11  Ji ok par tieng’ mosekadho;Bende, ji ok bi paro tieng’ ma biro;Kata gin bende tieng’ ma luwogi ok bi parogi.+ 12  An jayalo, asebedo ruodh Israel ka adak Jerusalem.+ 13  Ne ang’ado ni ati gi riekona mondo anon gik moko+ duto mosetim e piny+—tije ma kayiem ma dhano odichgo ma Nyasaye osemiyo dhano mondo otim. 14  Ne aneno tije duto mitimo e bwo wang’ chieng’,Ne! Tije duto gin kayiem nono, kendo gichalo mana ka lawo yamo.+ 15  Gima obam ok nyal rie,Kendo gima onge ok nyal kwan. 16  Mi ne awacho e chunya niya: “Ne! Aseyudo rieko mang’eny moloyo ng’ato ang’ata ma ne okwongona dak Jerusalem,+ kendo asebedo gi rieko kod ng’eyo malach.”+ 17  Ne aketo chunya mondo ayud rieko kendo ang’e gima fuwo kod neko en,+ kendo mano bende ne chalo mana ka lawo yamo. 18  Nimar rieko mang’eny medo mana parruok,Omiyo kaka ng’ato medo bedo mariek e kaka chunye medo chandore.+

Weche Moler Piny

Kata, “ohala.”