Kal idhi e weche manie iye

Kal idhi kama ochanie weche mantie

 NGIMAWA KAKA JOKRISTO

Be Itiyo Maber gi Kad mar JW.ORG

Be Itiyo Maber gi Kad mar JW.ORG

Nikech masira maduong’ okayo machiegni, onego wakasre gi tij lendo. (Nge 24:11, 12, 20) Wanyalo tiyo gi kad magwa mag jw.org mondo wakony ji mang’eny opuonjre Muma kendo mondo gidonj e websait marwa. Ng’ato nyalo skan sanduku manie kadgo kae to yawone vidio mar Ang’o Momiyo Onego Ipuonjri Muma? kod kama ng’ato nyalo pong’o kodwaro yudo weche momedore kata kaka onyalo kwayo mondo opuonje Muma. Nitie jomoko ma ok dwarga kawo bugewa, kata kamano, giyiega donjo e websait marwa. Kik iwe ma ok imiyo joma kamago kad mar jw.org. En mana ni kik iwe kadgo ne joma ok dwar winjo wach ma walando.

Sama in e dijeni ma pile, inyalo chako mbaka gi ng’ato kipenje niya: “Daher miyi gimoro kae. Kadni nigi adres mar websait moro minyalo yudoe weche mathoth kod vidio ma wuoyo e wi weche mopogore opogore.” (Joh 4:7) Nikech kadgo tindo, inyalo ting’o moko kamoro amora midhiye mondo imi joma iwuoyogo.