Kal idhi e weche manie iye

Kal idhi kama ochanie weche mantie

 NGIMAWA KAKA JOKRISTO

Yore ma Wanyalo Tiyogo gi JW Library

Yore ma Wanyalo Tiyogo gi JW Library

E PUONJRUOK:

  • Som Muma kod bug Nono Ndiko Pile

  • Som Kitabu cha Mwaka, gasede, kod buge mamoko. Ti gi kar bookmark

  • Ikri ne chokruoge kikiewo dwoko

  • Ne vidio mopogore opogore

E CHOKRUOK:

  • Som Ndiko ma jagol-twak owacho. Ti gi kar history mondo okonyi e yudo Ndiko ma ne osesom motelo

  • Kar ting’o buge mang’eny sama idhi e chokruok, inyalo tiyo gi JW Library mondo iluwri gi chenro sama chokruok dhi nyime kendo inyalo tiyo kode e wer. JW Library nigi wende manyien ma pod onge e bugewa mag wer

E TIJ LENDO:

  • Nyis ng’at morwako wach gimoro ma yudore e JW Library, kendo ikonye keto JW Library e simbe, tablet ma en-go kata e komyutane

  • Ti gi search mondo okonyi yudo Ndiko moro e Muma. Kapo ni wach ma imanyo ok yudre e New World Translation, inyalo manye e Reference Bible

  • Nyis vidio. Kapo ni ng’at milendone nigi nyithindo, inyalo tugonegi achiel kuom vidio mag Bed Osiep Jehova. Bende, inyalo nyisogi vidio mar Ang’o Momiyo Onego Ipuonjri Muma? mondo gibed gi siso mar puonjruok Muma. Kapo ni ng’ato wacho dhok mopogore inyalo nyise vidio ma yudore e dhok ma owachono

  • Ka idwaro somo ne ng’ato Ndiko moro e dhok machielo kitiyo gi JW Library, yaw Ndikono, kae to idi kwan matindo midwaro somono. Obiro riedoni gik moko adek e wi Ndiko midiyono, yier madiere