Kal idhi e weche manie iye

Kal idhi kama ochanie weche mantie

 NGIMAWA KAKA JOKRISTO

Be In gi Yie Motegno Kuom Singo mag Jehova?

Be In gi Yie Motegno Kuom Singo mag Jehova?

Joshua gi Solomon nowacho ni onge kata achiel kuom gik ma ne Jehova osingo ma ne orem. (Jos 23:14; 1Ru 8:56) Weche ma ne joneno ariyogi owacho nyalo konyowa mondo wamed bedo gi yie motegno.—2Ko 13:1; Tit 1:2.

Ere kaka Jehova nochopo singone e ndalo mag Joshua? Ne vidio ma wiye wacho ni, ‘Onge Kata Wach Achiel ma Oserem’ kaachiel gi joodi. Bang’ mano nonuru penjo maluwogi: (1) Ere kaka inyalo luwo yie mar Rahab? (Hib 11:31; Jak 2:24-26) (2) Ere kaka ranyisi mar Akan nyiso ni tamruok luwo chike Jehova goyiem kelo masira? (3) Kata obedo ni chwo ma Jo-Gibeon ne gin jolweny, ang’o momiyo ne giwuondo Joshua kae to giloso kuwe gi Jo-Israel? (4) Ere kaka weche Jehova nochopo kare kane ruodhi abich mag Jo-Amor omonjo Jo-Israel? (Jos 10:5-14) (5) Jehova osekonyi nade sama iketo Pinyruoth kod gik makare obed mokwongo e ngimani?—Mat 6:33.

Ka waparo matut kuom gik ma Jehova osetimo, gik motimo sani, kod gik mobiro timo, yiewa kuom gik mosingo biro medo bedo motegno.—Rum 8:31, 32.

Be in gi yie kaka mar Joshua?