E kindegi, en gima yot ahinya mondo wagaj ngimawa gi gik mang’eny. Nyiewo gik moko, tiyo kodgi, kendo ritogi maber en gima kawo thuolo kod teko mang’eny. Yesu noketo ngimane obedo mayot mondo gige ringruok kik choche e tiyo ne Nyasaye.—Mat 8:20.

Ere kaka inyalo keto ngimani obed mayot mondo iyud thuolo momedore mar tiyo ne Nyasaye? Be unyalo timo lokruoge moko mondo achiel kuom joodu obed painia? Kapo ni sani itiyo ne Nyasaye kuom thuoloni duto, be dibed ni iseweyo mondo manyo gige ringruok ochak gajo ngimani? Keto ngimawa mayot mondo wati ne Jehova biro miyo wabed mamor e ngimawa.—1Ti 6:7-9.

Ndik piny yore minyalo ketogo ngimani obed mayot.