Kal idhi e weche manie iye

Kal idhi kama ochanie weche mantie

 NGIMAWA KAKA JOKRISTO

Kaka Wanyalo Chako Wuoyo gi Ji ka Watiyo gi Trakt

Kaka Wanyalo Chako Wuoyo gi Ji ka Watiyo gi Trakt

Chakre Januar 2018, osebed kiketo weche ma wanyalo chako wuoyogo gi ji e nyim Ngimawa kod Tijwa Kaka Jokristo​—Chenro mar Chokruok. Osebed ka ijiwowa ni wawuo gi ji moloyo miyogi amiya buge ma wuoyo e wi Muma. Vidio ma nyiso kaka jolendo nyalo chako wuoyo gi ji ka gitiyo gi Muma kende osekonyo jolendo e chako wuoyo gi ji e yore mopogore opogore. Be mano nyiso ni koro ok wanyal tiyo gi buge ma wuoyo e wi Muma sama walendo ot ka ot? Ooyo! Kuom ranyisi, trakt nyalo konyowa e chako wuoyo gi ji e yo maber. Wanyalo tiyo gi yo ma luwoni sama walendo ka watiyo gi trakt:

  1. Penj penjo ma nie nyim trakt kod dwoko mondo wuon ot oyier achiel kuom dwokogo.

  2. Nyis wuon ot dwoko ma Muma chiwo ma yudore e ite mar ariyo mar trakt. Ka thuolo nitie, inyalo somo weche mondik ei trakt kendo wuoyo kuomgi.

  3. Mi wuon ot traktno kae to ijiwe mondo osom weche modong’ e thuolone owuon.

  4. Ka pok iwuok, nyise penjo ma nie tok trakt ma wacho ni “Tem Ane Dwoko Penjoni” kae to itim chenro mondo iduog iwuo kode e wi dwoko ma Muma chiwo e wi penjono.

Sama idok, wuo e wi dwoko mar penjono kae to iwe penjo machielo ma ibiro wuoyoe sama idok chieng’ machielo. Inyalo yiero penjo e websaitwa kata inyalo yiero penjo e buk monyis e tok traktno. E sa mowinjore, inyalo nyiso wuon ot brosua mar Wach Maber Mowuok Kuom Nyasaye! kata buk machielo ma yudore e Gik Mwatiyogo e Puonjo Ji Muma.