Kal idhi e weche manie iye

Kal idhi kama ochanie weche mantie

 NGIMAWA KAKA JOKRISTO

Piny ‘Nomuonyo Aora’

Piny ‘Nomuonyo Aora’

Chakre chon, joloch mag pinyni osebedo ka konyo jotich Jehova e kinde mopogore opogore. (Ezr 6:1-12; Est 8:10-13) Kata mana e kindewagi waseneno ka “piny,” tiende ni sirkande mag pinje mopogore opogore ma ok rid weche ahinya muonyo “aora” ma en sand ma “thuol,” tiende ni Satan Jachien kelo. (Fwe 12:16) Jehova ma en “Nyasaye ma golowa e chandrwok,” seche moko nyalo chwalo joloch mag piny mondo okony jotichne.​—Za 68:20; Nge 21:1.

To nade ka po ni otueyi e jela nikech yieni? Bed gadier chuth ni Jehova neni kendo oriti. (Cha 39:21-23; Za 105:17-20) Ng’e ni obiro guedhi nikech yieni kendo bed gadier ni makruokni matek gi Jehova jiwo owete e piny mangima.​—Fil 1:12-14; Fwe 2:10.

NEURU VIDIO MA WIYE WACHO NI, OWETEWA MA KOREA OGOL E JELA, KAE TO UDWOK PENJO MA LUWOGI:

  • Ang’o momiyo ne otue owetewa alufe kuom higni mathoth e piny South Korea?

  • Gin weche mage ma ne ong’ad e kot ma nomiyo ogony owetewa moko?

  • Ere kaka wanyalo konyo owetewa e piny mangima ma sani otue e jela nikech yiegi?

  • Ere kaka wanyalo tiyo maber sani gi thuolo mar lamo ma wan-go?

  • En ng’a ma osekonyowa loyo kes mang’eny e kot?

Atiyo nade sani gi thuolo ma an-go mar lamo?