Kal idhi e weche manie iye

Ang’o Madwarore Mondo Joot Odag gi Mor kod Kuwe?

Ang’o Madwarore Mondo Joot Odag gi Mor kod Kuwe?

Dibed ni en . . .

  • hera?

  • pesa?

  • koso gimoro machielo?

 DWOKO MA MUMA CHIWO

“Joma mor gin jogo mawinjo wach Nyasaye kendo timo!”​—Luka 11:28, New World Translation.

KAKA WACHNO NYALO KONYI

Yudo hera madier.​—Jo Efeso 5:28, 29.

Bedo gi luor matut.​—Jo Efeso 5:33, The Bible in Luo, 1976.

Bedo gi winjruok maber.​—Mariko 10:6-9.

 BE WANYALO BEDO GADIER KUOM GIK MA MUMA PUONJO?

Ee, nikech weche kaka maluwogi:

  • Nyasaye ema nochako ngima mar joot. Muma wacho ni Jehova Nyasaye ema noriwo dichwo gi dhako mokwongo. (Chakruok 2:18-24) Mano tiende ni Jehova ema nochako ngima mar joot. Mano nyalo konyowa nade?

    Par ane ranyisini: Wawach ni ichamo chiemo moro mamit to diher ng’eyo kaka itede, en ng’a minyalo penjo mondo onyisi kaka ilose? Donge ber kipenjo mana ng’at ma otede?

    Kamano bende, mondo wang’e kaka wanyalo miyo ngima mar joot obed mamor, onego wapenj mana Jehova, ma e Jal ma nochako chenro mar joot.

  • Nyasaye oherowa. Joot onego omany paro ma Jehova Nyasaye miyowa kokalo kuom Muma. Nikech ang’o? Nikech Nyasaye ‘oherowa.’ (1 Petro 5:6, 7, Luo New Testament, 2003) Jehova dewowa ahinya kendo kinde duto puonjge konyo!​—Ngeche 3:5, 6; Isaiah 48:17, 18.

 TEM ANE DWOKO PENJONI

Ang’o minyalo timo mondo ibed dichwo maber, dhako maber, kata janyuol maber?

Ne ane dwoko ma Muma chiwo e ndiko mag JO EFESO 5:1, 2 kod JO KOLOSAI 3:18-21.