Kal idhi e weche manie iye

Kal idhi kama ochanie weche mantie

 SOMO NAMBA 10

Loko Dwol

Loko Dwol

Ngeche 8:4, 7

GIMA INYALO TIMO: Wuo e yo ma winjore kendo ma mulo chuny jowinjo kuom ting’o dwondi malo kata dwoke piny, loko bith mar dwondi, kendo wuoyo piyo kata mos.

KAKA INYALO TIMO MANO:

  • Ting’ dwondi malo kata dwoke piny. Inyalo ting’o dwondi malo sama iwacho weche madongo mondo ijiwgo jowinjo. Tim kamano bende sama isomo kamoro e Muma ma ichiwoe kum kata siem. Dwok dwondi piny mondo imi jowinjo siso mar winji kata sama iwuoyo e wi gimoro malit kata ma kelo kuyo.

  • Lok bith mar dwondi. Inyalo loko dwondi mondo inyis ni imor kata sama idwaro wacho kama gimoro nitie kata kaka orom. Bende, inyalo timo kamano sama idwaro nyiso ni ikuyo kata ni gimoro litni.

  • Wuo piyo kata mos. Wuo piyo kidwaro nyiso ni imor. Dhi mos sama iwacho puonj madongo.