Kal idhi e weche manie iye

Kal idhi kama ochanie weche mantie

 SOMO MAR 3

Onego Ipuonjri Weche Nyasaye

Onego Ipuonjri Weche Nyasaye

Mondo ibed osiep Nyasaye onego ipuonjri wechene. Bende osiepeni ong’eyo nyingi kendo gi luongi kode? Gitimo kamano. Nyasaye bende dwaro ni ing’e kendo iluonge gi nyinge. Nying Nyasaye en Jehova. (Zaburi 83:18; Mathayo 6:9) Nyaka ipuonjri gik mohero gi maok ohero. Onego ing’e ni osiepene gin jomage to jowasike gin jomage. Kawo kinde mondo ing’e ng’ato maber. Muma wacho ni ber mondo iket kinde mondo ipuonjri weche Jehova.​—Jo Efeso 5:15, 16.

Osiepe Nyasaye timo timbe mamore. Parie osiepeni. Ka itimonigi marach kendo itimo gik ma ok gihero, bende podi gibiro bedo osiepeni? Ooyo! Kamano bende, kidwaro bedo osiep Nyasaye, onego itim gik mamore.​—Johana 4:24.

Ok dinde duto manyiso ji kaka ginyalo bedo osiepe Nyasaye. Yesu, osiep Nyasaye maduong’ mogik nowacho ni nitie yore ariyo. Yo achiel lach kendo opong gi ji. Yorno dhi e kethruok. Yo machielo diny kendo en gi ji matin. Yorno dhi e ngima manyakachieng’. Koro kidwaro bedo osiep Nyasaye, to nyaka ipuonjri yo makare mar lame.​—Mathayo 7:13, 14.