Kal idhi e weche manie iye

Kal idhi kama ochanie weche mantie

 SOMO MAR 12

Ang’o Matimore ka Ng’ato Otho?

Ang’o Matimore ka Ng’ato Otho?

Tho nyiso ni onge ngima. Tho chalo gi nindo matut. (Johana 11:11-14) Jo motho ok nyal winjo, neno, loso, kata paro gimoro. (Eklesiastes 9:5, 10) Din mar miriambo puonjo ni jo motho dhi e piny mar roho mondo gi dag gi kweregi machon. Muma ok puonj kamano.

Jo mosetho ok nyal konyowa, kendo ok ginyal hinyowa. Ji timoga timbe kod misengni ma gi paro ni biro moro jo mosetho. Timbegi ok mor Nyasaye nikech giluwore gi achiel kuom miriambo mag Satan. Timbego bende ok nyal moro jo motho nikech gionge ngima. Ok onego waluor jo motho kata lamogi. Onego walam Nyasaye kende.​—Mathayo 4:10.

Jo motho nodagi kendo. Jehova nochiew jo motho e ngima e piny mar Paradis. Ndalono pod biro. (Johana 5:28, 29; Tich Joote 24:15) Nyasaye nyalo chiewo jo mosetho mana kaka in bende inyalo chiewo ng’at monindo.​—Mariko 5:22, 23, 41, 42.

Paro ni dhano ok tho en miriambo milando gi Satan Jachien. Satan gi jochiendene miyo ji paro ni roho mag jo motho ngima kendo kelo tuoche gi chandruok mamoko. Satan wuondo ji, seche moko gi lek kata gi fweny. Jehova ok dwar jo matemo wuoyo gi jo motho.​—Rapar mar Chik 18:10-12.