Kal idhi e weche manie iye

Pichni ma Nyiso Gedo e Piny Philippines—Kare Mokwongo (Februar 2014 Nyaka Mei 2015)

Pichni ma Nyiso Gedo e Piny Philippines—Kare Mokwongo (Februar 2014 Nyaka Mei 2015)

Joneno mag Jehova gero ute manyien kendo loso kuonde mokethore e ute ma noseger e bad ofis manie taon mar Quezon e piny Philippines. Nikech buge mag Philippines igoyo e bad ofis manie piny Japan, ot ma nigoye buge koro oselok mondo ofise mag migepe kaka mar Kompyuta, Migawo Mochung’ne Gedo (LDC), Rito Ute (Maintenance), Kowo Buge (Shipping), kod Loko dhok. Odni nyiso pichni mag tije mamoko ma nitimo e kar goyo buge kod ute mamoko ma ne nitie e kind Februar 2014 kod Mei 2015. Ochan mondo otiek tijni Oktoba 2016.

Ute moger kod molos e bad ofis ma Philippines oriwo:

  • Ot mar 4 (Kuonde dak)

  • Ot mar 5 (Audio/Video, Service Department)

  • Ot mar 6 (Landscaping, Kama ilosoe mtokini, kod Welding)

  • Ot mar 7 (Kompyuta, LDC, Maintenance, Shipping, kod Loko dhok)

Februar 28, 2014​—Ot mar 7

Jotich mochiwore soyo fiberglass e bege mondo ng’ich kik makgi. Girwako lewini kod gik ma rito dendgi mondo kik hinyre sama gitiyo.

April 2, 2014​—Ot mar 7

Jotich tieko keto siling’bod e studio mi makoe dwol e Filipino Sign Language. Otuchi manie siling’bod gin kuonde mibiro ketie gik ma kelo muya maler e studiono.

Oktoba 21, 2014​—E taon mar Quezon.

Ikunyo kama pi mang’ich biro ringoe. Pi mang’ichni ibiro tigo e ute duto manie bad ofisni.

Desemba 19, 2014​—Daraja matudo ute miwuothoe gi tielo tudo ot mokwongo, mar 5, kod ot mar 7

Daraja manyienni biro tudo ute madongo moriwo ot mokwongo kama ichieme (dining room). Darajani biro konyo jotich mokalo 300 matiyo e ot mar 7.

Januar 15, 2015​—Ot mar 5

Tinga ma pekne romo tan 50 ting’o mabati migerogo tado. Jogedo tiyo gi tingni mopogre opogre sama gigedo.

Januar 15, 2015​—Ot mar 5A (Circulation pod)

Odni en fut 1,345 square ma nigi kuonde ariyo miyueyoe, stairs kod, lift. Bedo gi kuonde yueyo kod stairs oko mar ot mar  5 chiwo thuolo momedore. Gero lift oko mar ot mar 5, miyo koko mar lift ok choch tij mako dwol kod loso vidio.

Januar 15, 2015​—Ot mar 5A (Circulation pod)

Jotich oketo mabul mondo ogeng’negi chieng’ sama gigero tado ka gitiyo gi chumbe. Dwe mar Januar, seche mag odiechieng’ liet nyalo chopo degrees Celsius 29 (84°F) kendo e dwe mar April, liet nyalo chopo degrees Celsius 34 (93°F).

Mach 5, 2015​—Ot mar 5

Jotich keto bepe masiro tado. Ot mar 5, ne oger gi bepe motegno madirom 800.

Mach 17, 2015​—Ot mar 5

Ruwo kokoto gi opao mondo otimgo tich moro matin. Joma konyo tij gedoni gin ji madirom 100 to gia e pinje mag Australia, Canada, France, Japan, New Zealand, South Korea, Spain, Amerka, kod pinje mamoko.

Mach 25, 2015​—Ot mar 5

Keto mabati e tat ot mar 5, ma e ot ma chon ne itimoe tij loko dhok (Translation). Nolos kuonde mokethore e odni mondo obed ofis migawo mar Audio/Video kod Migawo Mochung’ne Tij Lendo.

Mei 13, 2015​—Ot mar 5

Jatich ng’ado chumbe ma ibiro tigo e gero kor ot mar ofis.