Kal idhi e weche manie iye

Gin Joneno mag Jehova Adi Manie Piny Mangima?

Gin Joneno mag Jehova Adi Manie Piny Mangima?

Ripot mar Higa * ma 2020

Kwan mar Joneno mag Jehova e piny mangima

8,695,808

Kanyakla

120,387

Pinje ma Joneno mag Jehova yaloe

240

2020 Kwan Duto

2020 Ripode mag Pinje kod Alwora Mopogore Opogore

Ere kaka ikwanoga Joneno mag Jehova?

Wakwanoga Joneno mag Jehova kaluwore gi kwan mar joma lando wach maber mar Pinyruodh Nyasaye dwe ka dwe. (Mathayo 24:14) Mano oriwo joma osebatis kaachiel gi joma osepwodh mondo oland wach pinyruoth kata bed ni pok obatisgi.

Be ng’ato nyaka gol pesa eka obed achiel kuom Joneno mag Jehova?

Ooyo. Onge tudruok moro amora e kind golo pesa gi bedo achiel kuom Joneno mag Jehova, kata yudo migawo moro makende e riwruok mar Joneno mag Jehova. (Tich Joote 8:​18-​20) E wi mano, chiwo ma Joneno gologa ok ong’ere ni ng’ano ma nogologi. Janeno ka Janeno chiwoga thuolone, tekone, gi gik mamoko mondo okony e tijwa mar piny ngima kaluwore gi yuto kata chal mare kod kaka ong’ado e chunye.​​—2 Jo-Korintho 9:7.

Ere kaka inyalo ng’eyo joma lendo?

Dwe ka dwe, Joneno gologa ripot e kanyakla ma gintie ma nyiso ni ne gilendo. Ok chun ng’ato mondo ogol ripot.

Ripode ma jo kanyakla ogolo ichano maber, kae to ikwanogi duto, bang’ mano iorogi e bad ofis man machiegni kodgi. Bad ofis bende goyo kwano mar ripode duto moa e pinje manie bwogi kae giorogi e ofis maduong’.

E giko higa, * igoyo kwan mar Joneno e piny ka piny. Kwan-gi duto iriwo, to mano konyo e ng’eyo ni Joneno adi ma nitie e piny mangima. Weche momedore e wi piny ka piny, moriwo nyaka weche mosene e tij lendo, iketoga e bwo wich mawacho Mashahidi wa Yehova Ulimwenguni Pote. Ripode kaka mago jiwowa, mana kaka ripode ma ne igolo e kinde Jokristo mokwongo ne jiwogi.​—Tich Joote 2:​41; 4:4; 15:3.

Be ukwanoga nyaka joma riwore kodu e lamo to ok gilend?

Kata bed ni ok kwan-gi kaka Joneno mag Jehova, warwakogi e chokruogewa. Ng’enygi bende chopoga e romo mitimo higa ka higa mar Rapar mar tho Yesu, omiyo inyalo ng’e kwan mar jogi kopimgi gi kwan mar Joneno. E higa mar 2020, kwan mar joma nobiro e rapar nochopo 17,844,773

Jomamoko ma ok dhiga e chokruogewa yudo ber kokalo kuom chenro mar puonjruok Muma. E higa mar 2020, ne watayo puonjruok Muma ma dirom 7,705,765 dwe ka dwe, moko kuomgi notim e seche machal.

Ang’o momiyo kwan ma sirkal chiwo e wi Joneno mag Jehova ng’eny mohingo kwan ma Joneno wegi chiwo?

Josirkal penjoga ji ni gilemo kanye, to mano e kaka gikwano joma nie kanisa moro. Kuom ranyisi, joma ne kwano ji e piny Amerka “ne dwaro ng’eyo ni ng’ato ka ng’ato ohero din mane.” Mopogore gi mano, Joneno mag Jehova kwenoga kaluwore gi joma lendoga dwe ka dwe kendo golo ripot mar tij lendo, to ok kaluwore gi joma wacho awacha ni gilemo gi Joneno mag Jehova.

^ par. 2 Kalenda mar Joneno chakore Tarik 1 Septemba nyaka Tarik 31 Agost higa maluwo. Kuom ranyisi, higa mar 2015 mar Joneno mag Jehova nochakore Tarik 1 Septemba, 2014 nyaka Tarik 31 Agost 2015.

^ par. 18 Kalenda mar joneno mar higa chakore Tarik 1 Septemba nyaka Tarik 31 Agost higa maluwo. Kuom ranyisi, higa mar 2015 mar Joneno mag Jehova nochakore Tarik 1 Septemba, 2014 nyaka Tarik 31 Agost 2015.