WavaHepeleu 8:1

VYUMA WATELA KULINGA: Kafwa lizavu livwilile kanawa chihande chove nakulumbununa kanawa omwo vishina vyavinene vinalikwatasana namutwe wachihande navyuma uli nakusaka kutesamo hakuhanjika chihande chove.

MWAKULINGILA NGOCHO:

  • Wana chuma unakusaka kukatesamo hakuhanjika chihande chove. Nge chihande chove chinapu chakulweza vatu vejive vyuma vimwe, chipwe kuvakunyula, chipwe kuvakolezeza, kaha watela kuchihanjika kweseka nachuma kana. Kaha nawa watela kumona chikupu ngwove vishina vyavinene vyosena vilimo navikukafwa utesemo chuma kana.

  • Shindakanya mutwe wachihande chove. Omu nauhanjika chihande chove watela kukindulukila kindulukila mazu amalemu chipwe kuzachisa mazu akulifwanako mangana ushindakanye mutwe wachihande.

  • Lingisa vishina vyavinene vipwenga vyavyashi kaha nawa vyakwivwakana. Watela kusakula kaha vishina vyavinene vize navilikwatasana nachihande chove vize nawa unahase kukanangula kweseka nalwola lwachihande kana. Kawatela kuvulisa chikuma vishinako, oloze watela kuvuluka chishina chimwe nachimwe, nakuchilumbununa kanawa numba jino uyenga hachishina chikwavo.