Munashinganyeka ngwenu . . .

  • Kalunga tahi?

  • vatu tahi?

  • nyi kuli mutu weka?

 VYUMA YAHANJIKA MBIMBILIYA

“Kaye kosena katwama mumavoko ayauze wakuhuka.”—WaYowano 1, 5:19. “MwanaKalunga ejile . . . nakwenyeka vilinga vyavipi vyaliyavolo.”—WaYowano 1, 3:8, New Century Version.

OMWO MUNAHASE KUNGANYALA

Namwijiva ovyo vyeji kunehanga ukalu mukaye.—Kusoloka 12:12.

Nachimilingisa mufwelele chikupu ngwenu kano kaye nakakawaha.—WaYowano 1, 2:17.

 UNO TWATELA CHIKUPU KUFWELELA VYUMA YAHANJIKA MBIMBILIYA TAHI?

Eyo, mwomwo yavishina vino vitatu:

  • Chiyulo chaSatana chinahono. Yehova ali nakusaka kufumisako chiyulo chaSatana chize chili nakuyula vatu. Ashika kwenyeka “milimo yaLiyavolo,” nakuwahisa vyuma vyosena vize nenyeka Satana.—WavaHepeleu 2:14, Mbimbiliya yaKaye Kakahya.

  • Kalunga asakula Yesu Kulishitu akayule kano kaye. Yesu kapwa mwangana waukenya nalizangamina ngana muze apwa muka-kuyula kano kaye, Satanako. Kalunga ashika ngwenyi, Yesu “mwakevwila keke vaka-kukalikiza navaka-kuhutwa . . . Mwakavapululula kuluyanjisa nakuulyanyi.”—Samu 72:13,14.

  • Kalunga keshi kwongako. Mbimbiliya yahanjika hatoma ngwayo: “Kalunga keshi kuhasa kwongako.” (WavaHepeleu 6:18) Nge Yehova nashiki chuma, kaha chuma kana kuvanga chilingiwe. (Isaya 55:10, 11) “Muka-kuyula kano kaye navamukatumuna.”—Yowano 12:31.

 VYUMA MUKA MWATELA KUSHINGANYEKAHO?

Kaye nakakapwa ngachilihi omu navakafumisaho uze ali nakukayula?

Mbimbiliya yakumbulula chihula kana hali SAMU 37:10, 11, naKUSOLOKA 21:3, 4.