TONENU!

Chihula: Vatu vamwe veji kuhuhwasananga numba nge Yesu kwapwile, veka vafwelela chikupu ngwavo kwapwile. Oloze vakwavo veji kwambanga ngwavo kavatachikiza kanawako. Enu mwashinganyeka ngachilihi?

Kuhana: Eyi mangazini yaTonenu! yinavuluka unjiho wasolola nge Yesu kwapwile.

NANGULENUNGA MUCHANO WAMUMBIMBILIYA

Chihula: Vyuma muka vyeji kusolokanga kuli etu nge tunafu?

Chisoneka: Yow 11:11-14

Chishina: Nge mutu nafu, kaha kuyoya chenyi chinakumu. Shikaho katwatela kwivwa woma wakufwako. Yesu afwanyishile kufwa kukusavala tulo. Ngana muze chapwile kuli Lazalu, Yesu ‘mwakahindula’ vatu twazanga vaze vafwa mangana vakayoye cheka hano hamavu.—Yop 14:14.

KATI YAKULANYA VATU KUKUKUNGULUKA (inv)

Kuhana: Ngunamilanye mukevwilile kuchihande chaMbimbiliya. Navakachihanjikila muZuvo yaWangana, hachihela tweji kulemeselanga Kalunga. [Hana kati yakulanya vatu kukukunguluka, mulweze lwola nachihela, namutwe wachihande chalikungumbuwa.]

Chihula: Mwayako lyehi kuZuvo yaWangana tahi? [Nge chinahase mutalisenu vindiyo yakwamba ngwavo Vyuma Muka Vyeji Kusolokanga haZuvo yaWangana?]

SONEKA JILA YOVE YAKUHANYINAMO

Zachisenu jijila jakuhanyinamo vanavuluka mangana mutunge jijila jenu jakuhanyinamo kaposhi nambuloshuwa mumulimo wamuwande.