“Kanda . . . kwivwila lushiushiu vaka-kulinga mwamupiko”

37:1, 2

  • Kanda kwitavila kufukila chavaka-kuhuka chahakatando kakandende chimihonese kuzachila Yehovako. Shikaho hakenu muchima kuvyuma vyamwaza vyakushipilitu nakufwila kutesamo vyuma munalitomena

“Fwelela Yehova, linganga mwamwaza”

37:3

  • Fwelelenu ngwenu Yehova mwamikafwa mukala ukalu namumona. Kaha nawa mwamikafwa mutwaleho lika kupwa vakushishika

  • Zatenunga natwima mulimo wakwambulula mujimbu wamwaza waWangana waKalunga

“Ivwila kuwaha Yehova”

37:4

  • Nonekenunga lwola lwakutanga Mazu aKalunga nakuhunanana havyuma namutanga mangana mutachikize kanawa Yehova

“Itavila Yehova akutwaminyine mujila yove”

37:5, 6

  • Fwelelenu Yehova namuchima wenu wosena, kaha mwamikafwa mukala ukalu namumona

  • Pwenunga lika vakumika omu navamifumbukila, nakumiyanjisa, chipwe kumivangijikila

“Hola kulu kumeso aYehova Muvandaminenga”

37:7-9

  • Lihendenu kuvyuma vize navimilingisa muhone kupwa vakuwahilila nakupwa vakukingiwa kushipilitu

“Vavavwovu navakaheta mavu”

37:10, 11

  • Pwenunga vavavwovu nakutwalaho lika kuvandamina Yehova palanga nomu mwakafumisako vilinga vyavipi vyosena muli nakumona

  • Kafwenunga vandumbwenu nakuvendejeka vaze vanahombo, hakuvalweza lushiko lwaKalunga lwakaye kakahya kaze kanapandama hakamwihi

Wangana wauMeshiya naukaneha vyuma vyamwaza