Munavandaminanga kwiza chaWangana waKalunga hamyaka yingahi? Uno munatwalengaho lika kukakachila chamokomoko naukalu muli nakuhitamo tahi? (Lom 8:25) Vaka-Kulishitu vamwe vanakuhita muukalu wakufwana nge kuvajinda, nakuvayanjisa, nakuvahaka mutumenga chipwe vene kuvevwisa woma ngwavo navavajiha. Kaha veka nawa vanakuhita muukalu wakufwana nge misongo yakuhona kuka chipwe ushinakaji.

Chuma muka nachitukafwa tupwenga namuchima wakuvandamina numba tuhu tuli nakuhita muukalu wakulisezaseza? Chuma nachitukafwa shina, kuzamisa lufwelelo lwetu hakutanganga Mbimbiliya hakumbi hakumbi nakushinganyekanga chikuma havyuma tunatange, nahalutalililo lwetu. (2Ko 4:16-18; Hep 12:2) Kaha nawa twatela kumusakwililanga Yehova mukulomba nakumulembelela atuhane shipilitu yajila mangana yitukafwe. (Luk 11:10, 13; Hep 5:7) Ngocho, Setu wazangi mwatukafwa mangana tuhase “kukakachila chikuma namuchima wakutalilila chikoki nakuwahilila.”—Kol 1:11.

TALENU VINDIYO YAKWAMBA NGWAVO, TWATELA ‘KULAHA NALUKAKACHILA’—FWILENU KUKATAMBULA FWETO, KUFUMAHO KUMBULULENU VIHULA VINO:

  • Uno vyuma muka “vyakwiza mukukasumuna” vinahase kutuwana? (Kwa 9:11)

  • Mujila muka kulomba chinahase kutukafwa nge tuli muukalu?

  • Mwomwo ika twatela kuzachila Yehova kweseka noho hakumina ngolo jetu, numba nge katweshi cheka nakuzata ngana muze twazachilenga kunyimako?

  • Shishikenunga meso enu hafweto

    Vyuma muka navimikafwa mufwile kukatambula fweto?