Yehova ahakileko ulo mangana valunga napwevo vatwamenga lika muulo chakuzeneka kulilukulula. (Kup 2:22-24) Vatu vanahase kulilukulula kuvanga kaha nge umwe muulo nalingi ujila. (Mal 2:16; Mat 19:9) Hakuwana nge Yehova asaka vaze valimbata vawahililenga, ngocho ahakako jindongi jize najikafwa vaka-kulishitu vasakulenga kanawa mutu wakulimbata nenyi mangana vapwenganga lika vakuwahilila muulo wavo.—Kwa 5:4-6.

TALENU VINDIYO YAKWAMBA NGWAVO, UNO ZANGI YAMUCHANO YAPWA NGACHILIHI?, KUFUMAHO KUMBULULENU VIHULA VINO:

  • Mwomwo ika natwambila ngwetu mazu vahanjikile vaFrank napuwenyi Bonnie kuli mwanavo Liz, apwile amangana kaha nawa azangi?

  • Mwomwo ika chapwila chakuhenga mutu kushinganyeka ngwenyi nahase kwalumuna vilinga vyamutu uze anakulisesembwa nenyi?

  • Jindongi muka vaPaul napuwenyi Priscilla valwezele Liz?

  • Mwomwo ika Zach napuwenyi Megan vamwenene ukalu muulo wavo?

  • Milimo muka yakushipilitu yize John naLiz vafwililile kutesamo?

  • Mwomwo ika chapwila chachilemu kutachikiza “mutu wakusweka wamumuchima” wamutu munakusaka kukalimbata nenyi shimbu kanda mulishike jishiko jaulo? (1Pe 3:4)

  • Uno zangi yamuchano yapwa ngachilihi? (1Ko 13:4-8)