Tembele vamwenesele Ezekele yasolola nge vatu jaYehova navakalisuula kuhana mawana. Tunahase kuhana ngachilihi Kalunga chimuna wakuvatula wakumwalisa?—Hep 13:15, 16.

Jila yimwe tunahase kulingilamo ngocho shina kuzatako upayiniya wakukafwa. Mumwaka wamulimo wa 2018 muli tukweji vamwe vaze vali najisateli 5 najisondo 5. Echi chinahase kukafwa vandumbwetu vaze veji kwazananga mumulimo wakwambulula kusongo yavyalumingo kaha, mwomwo yamilimo yakukaye veji kuzatanga. Kaha nawa vaka-kwambulula vanahase kusakula kuzata jola 30 chipwe 50 mukakweji waMarch, naApril, namukakweji uze navavatambukila kuli kalama wakujinguluka.

Nyi ngachilihi nge kuli vyuma vimwe vize navituhonesa kuzata upayiniya wakukafwa? Nge chili ngocho, kaha twatela kufwila kwazana mumulimo wakwambulula kweseka noho hakumina ngolo jetu. Kaha nawa tunahase kuzatako jola jajivulu. Chamokomoko naukalu tunakuhitamo, zangi yetu yakuzanga Yehova yatela kutulingisa tufwile kumuzachila noho hakumina ngolo jetu mumwaka wamulimo wa 2018.—Hoz 14:2

Ngunahase kulondezeza ngachilihi Sabina Hernández uze eji kuzachilanga Kalunga natwima?

TALENU VINDIYO YAKWAMBA NGWAVO, YEHOVA IKIYE EJI KUNGUKAFWANGA MUVYUMA VYOSENA, KUFUMAHO KUMBULULENU VIHULA VINO:

  • Vyuma muka vyeji kulingisanga ndumbwetu Sabina azachile chikuma Yehova?

  • Uno munahase kulondezeza ngachilihi chakutalilaho chaSabina?

  • Tukweji muka namusaka kuzata upayiniya wakukafwa mumwaka wamulimo wa 2018?