BUEBE WEWE:

• Udi wandamuna masambila a muntu yonso

• Udi wandamuna masambila a bamue bantu

• Kena wandamuna masambila a muntu nansha umue

TSHIDI BIBLE WAMBA

‘Yehowa udi pabuipi ne bonso badi bamubikila mu bushuwa.’​—Misambu 145:18.

MMALU KAYI MAKUABU ATUDI TULONGA MU BIBLE?

• Nzambi kena uteleja masambila a bantu badi bamutombokela to. (Yeshaya 1:15) Kadi, badi mua ‘kupunga nende dîyi’ pa kushintulula njila yabu.​—Yeshaya 1:18.

• Bua Nzambi kuandamuna disambila, didi ne bua kuikala mu diumvuangana ne malu adiye ulomba adi mu Bible.​—1 Yone 5:14.

BAMUE BANTU BADI BAMBA NE: badi ne bua kutua binu panshi misangu yonso, kuinyika mutu panshi, anyi kuvunga bianza kaba kamue padibu basambila. Wewe udi wela meji kayi?

TSHIDI BIBLE WAMBA

Nzambi uvua muitabe masambila a bantu bavua ‘basombe’ anyi ‘bimane’ anyi mene ‘batue mpala panshi’ peshi ‘batue binu’ panshi. (1 Kulondolola 17:16; 2 Kulondolola 30:27; Ezela 10:1; Bienzedi 9:40) Kena utulomba bua tuikale mu mushindu kampanda patudi kumusambila to.

MMALU KAYI MAKUABU ATUDI TULONGA MU BIBLE?

• Nzambi udi uteleja bena budipuekeshi.​—Misambu 138:6.

• Udi mua kusambila mu muakulu kayi wonso anyi nansha mundamunda.​—2 Kulondolola 6:32, 33; Nehemiya 2:1-6.