TABULUKAYI! No 1 2025 | Tshia kuenza padi bintu bibanda mushinga
Udi usamisha mutu bua mudi bintu bienda bibanda mushinga anyi? Udi wenza mudimu mêba a bungi bua kupeta biudi nabi dijinga anyi? Kutshiena ne dîba dia bungi dia kusomba ne balela bebe anyi ne bena mu dîku diebe anyi? Biobi nanku, biena-bualu bidi mu Tabulukayi! eu bidi mua kukuambuluisha. Mudi mibelu mimpe idi mua kukuambuluisha bua wikale ne disanka ne bua kubenga kusamisha mutu bikole. Tshiena-bualu tshia ndekelu tshidi tshiakula bua malu mimpe enzeka kumpala eku ne mudi kuamanya kutuambuluisha lelu.
Itaba mudi malu aya amu
Kuikala ne mmuenenu muimpe wa malu bua dibanda dia bintu mushinga kudi mua kukuambuluisha bua kulengeja nsombelu webe.
Tula makuta ebe bimpe
Mona malu a wewe kuenza bua kulama makuta. Malu aa adi mua kukuambuluisha bua kutula makuta ebe bimpe.
Sanka ne biudi nabi
Mona tshia kuenza bua kuikala kusanka ne bintu bikese bitudi nabi.
Ikala ne muoyo wa kupa
Mmunyi mudi kupesha bakuabu bintu ne tshianza tshilekelela mua kukuambuluisha padi ntatu ya malu a makuta ikukuata?
Ikala ne ditekemena
Bible udi ufila ditekemena dilelela didiku bua matuku atshilualua. Ditekemena adi didi mua kukusamba nansha mpindieu.
Manya malu makuabu
Bible udi wambuluisha bantu ba bungi bua kumanya kuenza padi bintu bibanda mushinga. Udi mua kukuambuluisha pebe.
