Ndaku munda

Ndaku ku menu makese

Bantemu ba Yehowa

Tshiluba

Bafue badi bulelela mua kulua ne muoyo kabidi anyi?

Bafue badi bulelela mua kulua ne muoyo kabidi anyi?

Newandamune tshinyi?

  • Eyowa?

  • Tòo?

  • Imue misangu?

 TSHIDI BIBLE WAMBA

Dibika dia bafue nedikaleku.”Bienzedi 24:15, Mukanda wa Nzambi.

MUDI MVESE EU UKUAMBULUISHA

Neukole ku muoyo paudi ufuisha.2 Kolinto 1:3, 4.

Kuakutshina kabidi lufu.Ebelu 2:15.

Neutekemene bua kupetangana ne bantu baudi mufuishe.Yone 5:28, 29.

 TUDI NE BUA KUITABA TSHIDI BIBLE WAMBA ANYI?

Eyowa, bua malu bu mudi aa:

  • Nzambi ke utu mufuke muoyo. Bible udi ubikila Yehowa ne: “mpokolo wa muoyo.” (Musambu 36:9, Mukanda wa Mvidi Mukulu [Katolike]; Bienzedi 17:24, 25) Muntu udi mupeshe bifukibua bionso muoyo, udi ne bukole bua kupesha kabidi bantu bakadi bafue muoyo.

  • Ku kale, Nzambi wakabisha bantu bavua bafue. Bible udi wakula bua bantu muanda mukulu bavuabu babishe ku lufu: bakulumpe ne bana, balume ne bakaji. Bamue bavua bafue kutshivua mutantshi mukese, kadi mukuabu yeye ukavua muenze matuku anayi mu lukita!Yone 11:39-44.

  • Nzambi mmusue bikole bua kubisha bantu kabidi. Yehowa katu musue lufu to; utu ulumona bu muluishi. (1 Kolinto 15:26) Udi ne dijinga dikole dia kutshimuna muluishi eu, kumujimija ku diambuluisha dia dibisha dia bantu ku lufu. Mmuindile ne muoyo mujima bua kubisha bantu badi mu lungenyi luende ne kubamona kabidi ne muoyo pa buloba apa.Yobo 14:14, 15.

 LUKONKO LUKUABU

Tudi tukulakaja ne tufua bua tshinyi?

Bible udi wandamuna lukonko elu mu GENESE 3:17-19 ne mu LOMO 5:12.