Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Nkonko 10 idi bansonga badiela ne mandamuna ayi

 LUKONKO LUA 10

Mmunyi mudi Bible mua kungambuluisha?

Mmunyi mudi Bible mua kungambuluisha?

BUA TSHINYI BIDI NE MUSHINGA?

Bible udi wamba ne: “Dîyi dionso didi mu Mifundu minsantu ndifundisha ku nyuma wa Nzambi.” (2 Timote 3:16) Bikala bualu ebu bulelela, Bible udi mua kukupesha buludiki buudi nabu dijinga.

NTSHINYI TSHIUDI MUA KUENZA?

Fuanyikija bualu ebu: David udi wendesha mashinyi muaba udiye umona bintu bionso anu bienyi. Bimanyinu bia mu njila ne bimue bintu bidi bimuleja ne: ki mmuaba uvuaye ne bua kuikala to. David udi umona ne: mmujimine. Uvua mua kuikala muangate disangu dibi.

Bu wewe muikale David, ntshinyi tshiuvua mua kuenza?

ANJI ELA MEJI!

Udi ne ngenyi ya bungi ya kusungula:

  1. Kuebeja njila.

  2. Kutangila karte anyi kamu kadi kaleja muaba uudi ne uudi uya (GPS).

  3. Kutungunuka ne luendu, mutekemene ne: udi mua kupeta njila.

Bidi bimueneka ne: Lungenyi lua C lutu luambuluisha kakese.

Lungenyi lua B ludi luambuluisha bikole kupita lua kumpala. Newikale misangu yonso ne karte anyi kamu, kenda kakulombola.

Bible udi mua kukuambuluisha mu mushindu wa muomumue.

Mukanda udi nawu bantu ba bungi eu udi mua

  • kukulombola paudi upeta ntatu

  • kukuambuluisha bua kudikonkonona ne kulua muntu muimpe

  • kukuleja muudi mua kuikala ne nsombelu mulenga

 PETA MANDAMUNA A NKONKO MINENE

Patudi anu tumanya mua kuakula, tutu tubanga kuela nkonko bu mudi:

  • Bua tshinyi diulu didi bleu?

  • Mitoto mmienza ne tshinyi?

Pashishe, tutu tubanga kuela nkonko ya malu adi atufikila bu mudi:

Kadi wewe mumvue ne: mandamuna ayi atu anu mu Bible kuonso eku?

Bantu ba bungi badi bamba ne: Bible udi anu ne nsumuinu ne mianu, ne ukadi wa kale be, anyi ne: mmukole bua kumumvua. Kadi Bible ke udi ne tshilumbu menemene anyi? Peshi mmushindu udi bantu bamumvua? Ki mbabambile bimpe malu adi atangila Bible anyi?

Tshilejilu, ba bungi badi bela meji ne: Nzambi ke udi ukokesha buloba ebu. Kadi mmunyi mudibi mua kuikala nanku padi eku bimvundu bikale pa buloba? Buloba mbuwule tente ne ntatu ne makenga, masama ne lufu, ne bupele ne bipupu. Nzambi udi mutunange uvuaku mua kutukebela malu aa anyi?

Udiku musue kupeta mandamuna a nkonko eyi anyi? Tshidi Bible ulongesha bua mukokeshi wa buloba tshidi mua kukukemesha.

Pamuapa udi mumone ne: mibelu idi mu broshire eu mmimanyine mu Bible. Bantemu ba Yehowa mbatuishibue ne: Bible mmukanda udi ne buludiki buimpe. Bidi nanku bualu ‘mmufundisha ku nyuma wa Nzambi, ne udi wambuluisha bua kulongesha, bua kubela, bua kululamija malu.’ (2 Timote 3:16, 17) Udi ne bua kukonkonona mukanda wa kale eu, kadi udi ne malu a matuku etu aa.