Ndaku munda

Ndaku ku menu makese

Bantemu ba Yehowa

Tshiluba

Makenga kaakujika anyi?

Makenga kaakujika anyi?

Udi mua kuandamuna munyi?

  • Neajike anyi?

  • Kaakujika anyi?

  • Imue misangu anyi?

 TSHIDI BIBLE WAMBA

Nzambi ‘neabakupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga.’ —Buakabuluibua 21:3, 4, Mukanda wa Mvidi Mukulu [Mishonyi].

MUDI MVESE EU UKUAMBULUISHA

Udi umvua ne: Nzambi ki ngudi mukebeshe ntatu to.—Yakobo 1:13.

Udi ukola ku muoyo paudi umanya ne: Nzambi mmumanye bimpe menemene mutudi tudiumvua patudi tukenga.—Zekâya 2:8.

Udi upeta ditekemena dia ne: ntatu yonso neyijike.—Musambu 37:9-11.

 TUDI NE BUA KUITABA TSHIDI BIBLE WAMBA ANYI?

Eyowa, bua malu bu mudi aa:

  • Nzambi mmukine makenga ne malu mabi. Tangila muvua Yehowa umvua pavuabu bakengesha bantu bende mu bikondo bia kale. Bible udi wamba ne: wakumvua bibi ‘pakadibu babatatshisha.’—Balumbuluishi 2:18, Mukanda wa Nzambi.

    Nzambi udi unyingalala bikole bua aba badi bakengesha bakuabu. Tshilejilu, Bible udi wamba ne: Nzambi udi ukina ‘bianza bidi bimatshisha mashi a badi kabayi ne tshilumbu panshi.’—Nsumuinu 6:16, 17.

  • Nzambi udi uditatshisha bua muntu yonso. Yehowa mmumanye ntatu ya muntu yonso anu mudi ‘muntu yonso mumanye disama diende ne ntatu yende.’—2 Kulondolola 6:29, 30.

Ku diambuluisha dia Bukalenge buende, Yehowa neajikije ntatu ne makenga bia muntu yonso mu matuku makese emu. (Matayi 6:9, 10) Kadi kumpala kua tshikondo atshi kulua, udi ukolesha ne dinanga dionso bonso badi bamukeba ne muoyo umue.—Bienzedi 17:27; 2 Kolinto 1:3, 4.

 LUKONKO LUKUABU

Nzambi mmulekele makenga bua tshinyi?

Bible udi wandamuna lukonko elu mu LOMO 5:12 ne mu 2 PETELO 3:9.