Ndaku munda

Ndaku ku menu makese

Bantemu ba Yehowa

Tshiluba

Buloba ebu budi mu bianza bia nganyi menemene?

Buloba ebu budi mu bianza bia nganyi menemene?

Buebe wewe:

  • Mbia Nzambi anyi?

  • Mbia bantu anyi?

  • Mbia Satana anyi?

 TSHIDI BIBLE WAMBA

“Buloba bujima budi mu bukokeshi bua Mubi.”1 Yone 5:19, Muanda Mulenga Lelu.

‘Muana wa Nzambi wakumueneka menemene bua kubutula midimu ya diabolo.’1 Yone 3:8.

MUDI MVESE EYI IKUAMBULUISHA

Udi umvua bimpe bua tshinyi kudi ntatu pa buloba.Buakabuluibua 12:12.

Udi umanya bua tshinyi malu nealongoloke pa buloba.1 Yone 2:17.

 TUDI NE BUA KUITABA TSHIDI BIBLE WAMBA ANYI?

Eyowa, bua malu bu mudi aa:

  • Bukokeshi bua Satana nebujike. Yehowa mmulongolole bua kuimanyika dikokesha dia Satana pa bantu. Udi utulaya bua ‘kushipa Satana’ ne kujikija ntatu yonso idiye mukebeshe.Ebelu 2:14.

  • Nzambi ukadi musungule Yezu Kristo bua kukokesha buloba. Yezu mmushilangane bikole ne Satana. Satana udi ne tshikisu, udi mfumu mubi. Nzambi udi utulaya bua bumfumu bua Yezu, wamba ne: ‘Neafuile udi mutekete ne udi ukengela dikuatshisha luse. Neapikule mioyo yabu ku tshinyangu ne malu makole.’Musambu 72:13, 14.

  • Nzambi katu ushima to. Bible udi wamba ne: ‘Nzambi kena mua kushima to.’ (Ebelu 6:18) Padi Yehowa ulaya bualu, mbienze anu bu ukadi mubukumbaje! (Yeshaya 55:10, 11) “Nebipate mukokeshi wa buloba ebu.”Yone 12:31.

 LUKONKO LUKUABU

Pumbushabu mukokeshi wa buloba ebu, malu neikale mushindu kayi pa buloba?

Bible udi wandamuna lukonko elu mu MUSAMBU wa 37:10, 11 ne mu BUAKABULUIBUA 21:3, 4.