Ndaku munda

Ndaku ku menu makese

Bantemu ba Yehowa

Tshiluba

Bukalenge bua Nzambi ntshinyi

Bukalenge bua Nzambi ntshinyi

Udi wela meji ne: . . .

  • Ntshintu tshidi mu muoyo webe anyi?

  • Mmasanka a mu diulu anyi?

  • Mmbulamatadi wa mu diulu anyi?

 TSHIDI BIBLE WAMBA

‘Nzambi wa mu diulu neajadike bukalenge bukuabu budi kabuyi bubutudibua tshiendelele.’—Danyele 2:44, Mukanda wa Nzambi. ‘Bakutupa muana mulume; [mbulamatadi anyi] bukokeshi nebuikale pa diapa diende.’ —Yeshaya 9:6.

TSHIDI MVESE EYI YUMVUIJA

 TUDI NE BUA KUITABA TSHIDI BIBLE WAMBA ANYI?

Eyowa, bua malu bu mudi aa:

  • 1. Yezu wakaleja malu ikala Bukalenge bua Nzambi mua kuenza. Yezu wakambila bayidi bende bua kulomba bua Bukalenge bua Nzambi bulue ne bua disua dia Nzambi dienzeke pa buloba. (Matayi 6:9, 10) Yezu wakenza malu avua aleja muikala Nzambi mua kuandamuna disambila edi.

    Tshilejilu, Yezu wakadisha bantu bavua ne nzala, wakondapa babedi, kubisha ne bantu ku lufu. (Matayi 15:29-38; Yone 11:38-44) Yezu ke Mfumu wa mu Bukalenge bua Nzambi. Nanku wakaleja kakese tshianana malu ikala Bukalenge ebu mua kuenzela bantu.—Buakabuluibua 11:15.

  • 2. Malu adi enzeka lelu adi aleja ne: Bukalenge bua Nzambi bukadi pa kulua. Yezu uvua muambe ne: kumpala kua Bukalenge ebu kuteka ditalala pa buloba, kuvua malu avua ne bua kuvulangana pa buloba, bu mudi: mvita, biyole bia nzala ne bikumina.—Matayi 24:3, 7.

    NKi mmalu atudi tumona lelu anyi? Nunku, tuikalayi batuishibue ne: Bukalenge bua Nzambi bukadi pa kujikija ntatu yonso eyi.

 LUKONKO LUKUABU

Malu neikale mushindu kayi mu Bukalenge bua Nzambi?

Bible udi wandamuna lukonko elu mu MUSAMBU wa 37:29 ne mu YESHAYA 65:21-23.