Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bukalenge bua Nzambi budi bukokesha

Ku dia bakaji: Bena mu dîku dia Betele dia ku Brooklyn bavua basekelele Nowele bua musangu wa ndekelu mu 1926; Ku dia balume: Bantu batu bamona ne: Bantemu ba Yehowa mbashilangane ne bantu bakuabu

 TSHITUPA 3

Mikenji ya Bukalenge—Kukeba buakane bua Nzambi

Mikenji ya Bukalenge—Kukeba buakane bua Nzambi

 UDI wela muena mutumba nebe muoyo ne tshianza paudi upita mu njila. Udi uvuluka ne: matuku mashale muntu eu uvua ulondesha nsombelu webe ne wa bena mu dîku diebe. Muntu eu udi ukupingajila muoyo, pashishe ukubikila ne tshianza. Udi ukuambila ne: “Ndi njingaku bua kukuela lukonko: Ntshinyi tshidi tshienza bua nuikale bashilangane ne bantu bakuabu?” Udi umuebeja ne: “Udi usua kuamba tshinyi?” Udi ukuandamuna ne: “Nudi Bantemu ba Yehowa, ki mmuomu anyi? Kanuena bu bantu bakuabu to. Kanutu nubuelakana ne bitendelelu bikuabu, bualu kanutu nusekelela mafesto atubu benza ne kanutu nubuelakana mu malu a tshididi ne a mvita nansha. Kanutu nunua makanya. Bidi bimueneka ne: mu mêku enu nutu ne mikenji ya bikadilu mibandile. Ntshinyi tshidi tshienza bua nuikale bashilangane ne bantu bakuabu mu malu a bungi nunku?”

Udi mumanye ne: diandamuna didi ne: Badi batukokesha kudi Bukalenge bua Nzambi. Bu mudi Yezu Mukalenge, utu utulengeja misangu yonso. Udi utuambuluisha bua kuenda mu makasa ende ne bua kuikala bashilangane ne bantu bakuabu mu bulongolodi ebu bubi. Mu tshitupa etshi, netumone mudi Bukalenge bua Masiya bulengeje bantu ba Nzambi mu nyuma, mu bikadilu ne mu mushindu udibu balongolola anu bua butumbi bua Yehowa.

MU TSHITUPA ETSHI

NSHAPITA WA 10

Mukalenge udi ulengeja bantu bende mu nyuma

Nowele ne nkuluse bidi bifuanangana ku tshinyi?

NSHAPITA WA 11

Dilengejibua mu bikadilu—Kuikala ba tshijila anu bu Nzambi

Tuzubu tua balami ne bibuelelu bia ntempelo wa mu tshikena kumona tshia Yehezekele mbikumbanyine bantu ba Nzambi mu mushindu wa pa buawu katshia ku 1914.

NSHAPITA WA 12

Balongolola bua kuenzela “Nzambi wa ditalala” mudimu

Bible udi uleja dishilangana didi pankatshi pa malu mabuelakane ne ditalala, kadi ki nne bulongame to. Bua tshinyi? Mmunyi mudi diandamuna mua kuambuluisha bena Kristo lelu?